Popular Bible Verses from Ìfísɔ̃̀ 1

Share

Ḿm̀ à pɛ̃ à mɔ̀ kélɛ̀ kɛɛ é ka zò píé lé ɓo, kɛɛ ká à zì lɛ̀-fɔ̀nɔ-kɔ̀ gɛ̃̀, kɛɛ ká zò-kɛ̀à-mɔ̀ pɛ̀ lɛ́ a mɔ́ɔ̀ ka súo kɛ ɓoa dɔ, ɛ̃́ɛ̃́ kɛ zi lɛ́ lúà kpàlézɛ̀ lɛ́ aà e wè dɔ à ká là mia nì lɛ̀ɛ, zi lɛ́ lɛ à ká kpànazɛ̀ɛ, kɛ ká dɔ, ɛ̃́ɛ̃́ zeĩ́, kɛ ká zi lɛ́ là yíkɛ̀ gáàa lɛ́ è yɛɓo kɛ̀ mia lɛ́ kò ko zò dɔ à mɔ̀ɔ yía, zi lɛ́ à mɛ́ lɛ à ká gágà kpó-kpó ɓoa, kɛ ká dɔ. Yíkɛ̀ gáàa lɛ́ e ko yí kília, wà mɛ́ kɛ̀-gágà-lɛ̀ kpànazɛ̀ lɛ́ e kɛ à kɛ̀lɛ̀, lɛ́ e Kɛ́lɛ̀ì wɛ̀lɛ̀á ga kɛ̀lɛ̀, lɛ́ e à yà e kɔ̀ yiè yí lɛ̀ía, lɛ nɔ́ doó. Kɛ́lɛ̀ì lɛ pɛ séĩ́ là pɔ̃ũ le yí. Lɛ pɛ séĩ́ lɛ́ o pɛ yí gáàa zɛ̀ lɛ́ o lɛ̀ía ká, ɛ̃́ɛ̃́ gòmɛ́nɛ̀, e bɛ̀i yíkɛ̀ gáàa séĩ́, wà mia dàa-mìà nì séĩ́ là. E bɛ̀i, Kɛ́lɛ̀ì tɔ́ lɛ tɔ́ séĩ́ lɛ́ mia ò ɓɛ̀lɛyà nɔ à lɛ̀ɛ kpóṹ e kéa là, ɛ̃́ɛ̃́ kpóṹ yé aà tó é nua làa, lɛ o là.

Kɛɛ kpóṹ là kɛɛ̀ é tĩã́ kɛɛ̀ à káa, Wálà e ko sí bèĩzɛ̀ kɛ kó kɛ là mia nì ká Kɛ́lɛ̀ì yí. A kɛ kíli kɛɛ kó kɛ púlú, ɛ̃́ɛ̃́ yékɛ̀ kɛɛ é kɛ ko mɔ̀ e wɛlɛ mɔ̀. Ko zì lɔ̀-kpɔ̀ Wálà mɔ̀ɔ, Wálà aà mɔ́ɔ̀ à yà ɓo e gé kélɛ̀ Zízɛ̀ Kɛ́lɛ̀ì kolo là zàáa, lɛ́ɛ̀ lo nuù ko ká e dìè píé, kɛ kó kɛ là nɔ́ɔ̀ ká. Wɔ̃́ lɛ́ a naa á kɛ, ɛ̃́ɛ̃́ lɛ́ à kɛɛ̀ à zò dàa, lɛ́ ɓɛ.

Ƃii Kɛ́lɛ̀ì zì léà kolo là zàáa, aà ko ɓoá wɔ̃́ yí. À yí lɛ́ e kélɛ̀, ko zì kɛ-wɔ̃̀ yɔɔ aà ɓo ko wũ mɔ̀. Zi sùu kpɛɛ̀ lɛ́ Wálà zì zò-kɛ̀-sɛ̀

Wálà lɛ́ e kɔa Dàa-mì Zízɛ̀ Kɛ́lɛ̀ì Dàa káa, kɔ̀à à tɔ́ ɓɔ. Ƃii kò Kɛ́lɛ̀ì nì ko kɛ̀ doóa mɔ́ɔ̀ wɔ̃̀ mɔ̀ɔ, aà lúà kpɔ́ ko mɔ̀, nɔ̀-lɛ̀ɛ-pɛ̀ séĩ́ lɛ́ lɛ lɛ̀ séĩ́ lɛ́ lɛ lɛ̀ía mɔ̀ɔ, nɔ̀ ko lɛ̀ɛ ko gɛ̀ɛ̀ mɔ́ɔ̀ wɔ̃̀ kolo là zàá.