Popular Bible Verses from 1 de Timoteo 3

Share

Dunnɨ nanchuun dec quesentiand guroo nány, laany ni roldilaaznɨny: Beedny lo guɨchliu zec tuby bniety guɨchliu, gunii Spíritu Sant dec laany nania naniany ne guná de ánglɨ laany beedny lo guɨchliu. Brɨɨch xtiidxny iduibte lo guɨchliu, iranezte güeldilaaz bniety laany ax bieepny llayabaa.

Per ni nap guelrnabeequi ná par gúnbɨ zec ni riáld par quɨt tu iniyá laab. Tubyzi chialbɨ ná par chúu, ibánybɨ zacru ne ni nianlaaz par chalee gap de bniety didxdoo laab. Ziyza gacbɨ güen cun de ni rdzɨny rulizbɨ, ne náza par gacbɨ tuby bniety ni nán par iseedbɨ de bniety.

Ziyza ná par inabeeb lizbɨ zec ni riáld par iliuub de lliinbɨ xa gapdeby didxdoo ne icuadiagzadeby diidx.

Chiy de bniety nguiu ni icabee par gacnédeb bniety ni rnabee lo de ni a ná xpɨny Crist, tubyzi chialdeb ná par chúu ne inabeezadeb lizdeb ne de lliindeb zec ni riáld. Te pur de ni run sirvɨ zec ni riáld ax gati rápziti bniety didxdoo laadeb, sino que sin dxiby azelee iniideb xa xquel reldilaazdeb Jesucrist.