Popular Bible Verses from Wlǔmɔ 14

Share

Nyesoaa win kwa konkɔn slě noǎǒ mɔ̀ kɔn, nè di dɛàò, nè nɛ̌ dɛàò, kɛɛ noǎ ɛ kɔn lěe mɔ̀ nì moo jebo siǐan klee ně bo wnawna klee chǒnʼǒ ɛ̈ Nyesoa Ngmà Je Ne Sùsu jɛ lěe. Bɛ̌ nu bò ke bò Nyesoa dɛ nunuɛ ni, Nyesoaa plɔ miì kɛn blooba, nyopò miǒò tùtuɛ nye.

Baǎje bä ne kmɔ̌ ɔ̀ɔ̌ bä kǒ, ä ne kmɔ̌ plě ä kwě keǒ Koɔn mɔ̀. Tèǒ nì kɔn tè baǎje bä ne kmɔ̌ ɔ̀ɔ̌ bä kǒ, ä kɔnʼǒ Koɔn mɔ̀.

Tèǒ nì kɔn tè a nɛ bä wɔ̀nʼɔ dɛà kɛn ɛ̈ miǒo ně bo wnawna klee měne sèsɛɛa tà jaba äa tè wlò popoɛ mǐ kun.

Tèǒ nì kɔn tè a nɛ bä bɔ̌ tè jejɛɛa, kɛɛ a po ɛ ble keǒ baǎ ni dɛ tɛ̀ɛ ɛ̈ a jii ɛ̈ mi aa mamǔ numa ɔ miěe kpni kukwǐ slè be.

wòje ke ɛ nuu chleěa klě Ɔɔ win wlòmo i dɛ̌ bòo ɛ̈ moo, “Kě Koɔn dɛ̌ Ɔ je, ‘Keǒ Ě nu ɛɛ jijiɛ tɛɛ ɛ̈ moo Ě ne kmɔ̌, kě nyu wùɛ miǎǒǒ kwne jemǒ bo kokɔ numa plě ɔɔ chɛ̀ miǎ ɛ boɔ ɛ̈ moo Ě moo Nyesoa.’ ” (Is 49.18, 45.23) Ɛ sɛ̀n nynɛ̌ äa wùɛ äa do do dɛ ä nuu ä miǎ ɛ je ble slèba keǒ Nyesoa jemǒ.

Bɛ̌ nu nyu tɔ̀ɔ tè wlò popoɛ bɛ̌ wɛ̀ kbě kɛn, a kme ɔ jebo klě a slè, aǎ chɛtlǐi li.

Mɔ mònoǒ kɛ è jɛɛ leě nyu tɔ̀ɔ tè ɔ̈ monoo Nyesoaa na wien po nyebajlo? Nyesoaa do sosǒ Nɔ̀ pe ɛ ble bɛ̌ nu bɔ̌ nyna bo klee bɔ̌ kplɛɛǒ. Nyesoa kɔn kpě Bɔ nu ɔ bɔ nyna bo, tèǒ nì kɔn tè ɔ mi bo nynama.