Popular Bible Verses from Flepiɛ̌n 2

Share

Baǎ ni dɛ wùɛ klě mǒ nymi tǔn mǒ klee klě de jaě sùsu mǒ ɛ̈ see dɛ wlò mǒ ne, kɛɛ ba tìeǒ aa chɛ̀ plě a nu nyopò tùu dɛ mǒ ɛ miǒ aa chɛ̀ mǒ sìn. Baǎ kwɛnʼě aa doo tè mɔ̀ chɔɔ, kɛɛ a kɔnʼě nyopò tùu tè mɔ̀ ke.

Kmɔ̌ɔ doǒ neěe Tentǎn Jǔ Jùsu ja nɛ̀ ba kɔn.

Kàan tè Ɔ moo Nyesoa klě Ɔɔ kmɔ̌ neneɛ mǒ, kɛɛ Ɔ seaǒ nyopò demǒ ne bɛɛ keǒ bu nua Ɔɔ dɛ wòje Nyesoa. Kɛɛ Ɔ tìeaǒ Ɔɔ chɛ̀ Ɔ̌ poaě Ɔɔ chɛ̀ kèi tǔn wlòmo plě Ɔ̌ wǒa tùonyopo tùu je Ɔ̌ woǒa ä je klě tùonyu tǔn wlòmo. Ɔ tìeaǒ Ɔɔ chɛ̀ Ɔ̌ nyeaǒ Ɔɔ Gbeǐ tùtuɛ bò jɛɛa ɔɔ kokǒ tǐ kɛnʼɛ chɛ̀ ɛ̈ mooa Ɔɔ kokoɛ̌ keǒ pète bɛ̌ tu jleě.

Nyesoa ni konkwa klě a slè, dɛǒ nɛ̀ ni ɛ ǎ jlɛ̌ ba nu dɛ blee Ɔɔ plɔ plě ǎ ni ɛmo dɛǒ.

Tèǒ nì kɔn tè Nyesoa dǔa Ɔ mǒ Ɔ̌ tùaě Ɔ tùɔnʼà kɔn tè kmaa chɔɔ dɔ̌ kɛn bo Ɔ̌ nyea Ɔ nynɛ̌ ɛ̈ kɔn tè kuun ɛ̈ sìnʼǒo nyneǎ wùɛ mǒ. Dɛ sonwɛě ɛɛ wlòmo nɛ̀ moo Jùsu Bɔ̌ tbaeǎ je bo Ɔɔ nynɛ̌ǒ bɛ̌ daeǎ, nyu wùɛ neěe jɔkɛn klee kělɔ blǒ mɔ̀ plě klee klě blǒ bobo nɔ̀ miǎ kwne bo kɔba, è nyu wùɛ kɔn bɔ boɔ lɛ ɛ̈ moo Jùsu Tentǎn Jǔ moo Koɔn ɛ̈ di ɛɛ numa Nyesoaǒ monoo Gbeǐ Ɔ mǐ tè jǐ boaboǎ kɔn.

A nu noǎ wùɛ aǎ boboɛɛ wan le plě aǎ chɛtlǐi li ɛ̈ di ɛɛ numa tè jɛɛa ɛɛ̌ diǒ a jleě mǒ ne, a mǐ Nyesoaa jlǔà snǎ lěe mɔ̀le tù ü kɔɔ̌ dɛ seǒo jleě mǒ ne klě kmɔ̌ɔ jǐ le nymi nyo klee kpni kukwǐ nyoǒ neěe kmɔ̌ mɔ̀ slè. A fɔn klě u slè wòje jɔtnè ï fɛnʼɛ kělɔ kmɔ̌ɔ mɔ̀.

Tèǒ nì kɔn tè ně mǒ noɛ mɔ̀niapo ale, keǒ a niaa ǎ tùiaǒ něe win bo tǐ wùɛ mɔ̀, kě ɛɛ tè nu kmakma keǒ ba nu Nyesoaa konkwa klě Ɔ tùtuɛ fòɛ mǒ ɛ̈ di ɛɛ numa aa wowa dɛ mǐ dlǒ mɔ̀ mu. Aǎ ni ɛ tà Ě neɔ amoo slè sosǒ tè, kɛɛ sɛjesɛ tǐà Ě seɔ amoo slè ne.