Popular Bible Verses from 1 Timɛtě 6

Share

Keǒ bo nyu bɔ kɔn tè wlò popoɛ ɛ wǒ je keà nyu peěe kbě ɔ wɛ̀nʼɛ klě to kɛn. Ii tè wɔ̀ɔn ɛɛ tè kɛn mì duduɛ kɔn ɛ̈ monoo kmɔ̌ sie fònfno ɛ̈ kɔn tè Nyesoa dala mòo mii kɔn tǐǒ jleě sèsaea kàan dɛɛ tè kɛn le ɛ̈ kwɛɛaǒ nèe tè wlò popoɛ jleě mǒ bo keǒ tè mɔ̀ sà nyo fòfoa tùu jemǒ.

Bɛ̌ nu nyopò bǔ noɛɛ wlě mǒ, u mi kpni kukwǐi doědoe wùɛ numa. Nyopòo tìe neǒ wlě dɛ demǒ doo, nɛ̀ nu ɛ ǔ tbɛ uu tè wlò popoɛ u kɔnʼɔ kɛn klě Tentǎn Jǔ mǒ ɛ̌ nu ɛ ǔ poě uu chɛ̀ sònwɛ jejeɛ̌ fòfoa slè.

I moo kàan tè Nyesoa dɛ peǒ bo dɛ fòɛ keǒ nyopòà mɔ̀ ü kɔn plɔ bloo loo dɛ u kɔnʼɔ kɛn.

Tà äa naǎpò kɔnaa ämoo, ä seaě dɛ wùɛ ja kělɔ kmɔ̌ɔ wlòmo. Bɛ̌ nu bä ke kwě, ä slě wɔ̀ bä kpa dɛ wùɛ bä sà lɔɔ kmɔ̌ɔ mɔ̀.

Tmɔɔ̌ nyopòà pànʼa kělɔ kmɔ̌ɔ mɔ̀ buǔ jɛɛ̌ě uu chɛ̀ le plě buǔ peě uu wlò kpaea pònpan ja bo ɛ̈ see kɛn tee dɛ, kɛɛ u blɛɛ je bu poě uu wlò kpaea klě Nyesoa mǒ Ɔ̈ klě kwa nmɔ tǔn wlòmo Ɔ̈ nyee noǎ wùɛ ï ä sòɛɛ äa plɔ mǐi blo.

Nyopòà pɛ̀nʼɛ pònpan le u beě měne tèntɛn slè, plɔɔ kokǒ noǎa klee jǐlenymi noǎǒ uu wlè jlɛ̌ɛ nì kɔn tutu kme nu ɛ̈ chlì u klě jǐlenymi dɛ slè klee ɛ̈ sùe u gbè.

Tmɔɔ̌ u, bu nu kàan dɛ klee kàan konkwa fòfoa, è bu nmɔ kwa klee bu wɛ̀ mɔ̀le u mǐ nyopò tùu měne sɛ̀ɛ le keǒ uu konkɔn noǎ mɔ̀. Klě ɛmo dɛǒ ɛɛ nunuɛ mǒ u mi mǒ tèe dɛ kɔnma ɛ̈ moo dɛ nye uu wlò je kunkuɛn keǒ kmɔ̌ sie fònfno mɔ̀ klě kmɔ̌ǒ miǎ lěe diba wlòmo.