Popular Bible Verses from 1 Kwnɛtiɛ̌ 13

Share

Mǒ noɛnoɛ moo wlò dbadbǎ plě ɛ̌ moo wɔle je jbojbɛ. Ɛ se chea kɔn plě ɛɛ̌ jě ɛɛ chɛ̀ nyu mǒ chɔɔ plě ɛɛ̌ jaeě ɛɛ chɛ̀ le. Seǒ nyu wùɛ tùtuɛ kɔn slě ɛ mǒ ne plě ɛɛ̌ tɛ̀n ɛ mǒ keǒ ɛɛ do bɛ kɔn noǎ wùɛ, ɛɛ̌ poě jlo le klee ɛɛ̌ po dɛ kukǔ ble keǒ nyopò tùu jleě mǒ.

Tǐi pɛpɛ mɔ̀ ɛ se seasea kɔn plě ɛ kɔn tè wlò popoɛ tǐ wùɛ mɔ̀ ɛ̌ kɔn wlò je kunkuɛn klě Nyesoa mǒ plě ɛ̌ nyna bo kpankpa keǒ dɛ wùɛ mɔ̀.

Ɛɛ̌ kɔn lě dɛ kukǔ plɔɔ bloblɛ mǒ, kɛɛ ɛɛ plɔ ble keǒ kàan dɛ mɔ̀.

È noǎ kplěe tanʼà nì se bo wèwɛ kɔnma mu, tè wlò popoɛ klee wlò je kuuan plě mǒ noɛnoɛ. Kɛɛ ii tan wùɛǒ mǒ noɛnoɛ nɛ̀ moo dlǒ.

Mǒ noɛnoɛ se dlǒ chlɛ̀chlɛ kɔn, kɛɛ Nyesoa win boɔboɔ bɛ nyee nyu ɛ miǎ sìnma, è winʼi doědoe popoɛ miǎǒ sieba plě de jbojbɛ miǎ sìnma.

Bɛ̌ nu boǒ wɔ̀le ɛ keǒ bo po tùonyopoo winʼi doědoe klee najiǒpòo winʼi chɛ̀, kɛɛ boǒ se mǒ noɛnoɛ kɔn keǒ nyopò tùu mɔ̀, Ě se dɛ nynɛ̌ sɛ̀n, Ě wǒ je keà u kokwɛɛ lee panpeě je le ï pee slɛ̀ le ɔ̀ɔ̌ keà u nuu gbèkleeǒ u beò.

Bɛ̌ nu boǒ wɔ̀le je bo boɔ Nyesoaa win plě boǒ jbo je wɛ̌ noǎa wùɛ le plě bo ji noǎ wùɛ klee bo kɔn tè wlò popoɛ ɛ̈ nee kbě kɛnʼɛ chɛ̀, bɛ̌ ke ɛ ni bo ke togbei wlò le sɛ̀, kɛɛ bɛ̌ nu bo se mǒ noɛnoɛ kɔn, Ě se dɛ nynɛ̌ sɛ̀n.

Bɛ̌ nu boǒ wɔ̀le je bo nye ně noǎ wùɛ pòpo nyo plě bo sɔnʼǒ u mɔ̀ mǒ ně fǒà bǔ siɛn nɛɛ chɛ̀, kɛɛ bɛ̌ nu bo se mǒ noɛnoɛ kɔn, ɛ seǒǒ dɛ bo poba mu plě Ě sěɛɛ̌ jè dɛ nynɛ̌ sɛ̀n.

Tà Ě mooa jǔ Ě boɛa wòje jǔ, boǒ ke dɛ ni ɛ̀ wòje jǔ, ně dlǒ le sìɛnsiɛn wǒa je jǔ. Kɛɛ klě tǐà wlòmo Ě monoo kɛ̀ jbɛju, ii tè jǔ noǎǒ Ě sɔɔn kɛ̀ǒ i mǒ mɔ̀.