Popular Bible Verses from MÁI 10

Share

Sífaa nuí síí w̃ɔ́i taa ɣɛ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ nungáá yɛ, ná vólu, í lɛɛh̃úi gúla ndɔbɔ nuu bih̃íw̃aa ti wumááwo fááw̃a.”

Kɛ Jísu i ti belénga, i ɣɛ ti w̃a, “Ná áá gɛ́ɛ́lɛ nuu búsa wa, ɛi holowo, kɛ́ ná áá gɛ́ɛ́lɛ Ngalá mbá, faa kpɛ́lɛɛ aa holowo.”

Kɛ Jísu i ɣɛ́a ma, “Lí náa. Í lángi í í h̃ú, í í wálonga.” Ngamá nɔ́ɔ, kɛ siỹɛndópoi yaah̃úi w̃aa i wónga, í to Jísu wa, tí lí.

Aáva sí Ngalángi í kpahangɔ́ su, nuu álaa tí lówah̃u kɔ́lɛ.”

Kɛ Jísu i siỹɛndópoi belénga tííŋ, í ló lá. Kɛ i mɔ́ɔ ɣɛa siỹɛndópoi w̃a, “Faa yílaa tɔ yáá nɛ́ɛ́ kɛní. Lí, yí yáa gɔ́lingai kpɛ́lɛɛ mááɣɛ, yí maa náholoi he nyaani yélaitii ngeyá. Ná yáá ná ɣɛ́, kpatɛ́ yándɔɔlɔngɔ aa ɣɛ náá la í hááw̃a ngelegóóh̃u. Ná vólu, vá, yí ɣɛ́ ngáá pólu w̃ɔ́ɔ́.”

Kɛ Jísu i mɔɔningá, i ɣɛ ma, “Ndeé lɔ í lóngɔ ngí kɛ́ í yɛ́?” Kɛ mbole w̃ɔ́i ná i ɣɛa Jísu w̃a, “Kaamɔ́ɔ́, ndóngɔɔ lé ngí ɣɛ́ ngáá ỹánda lɔ.”

Kɛ́ aáva ná fíli sú, wúndai aa h̃íí na. Kɛ́ aá ɣéle, ná wú tá fíli áá ɣɛ́ loí í ɣɛ́ ngáá ngutuwɔ́ w̃ɔ́ɔ́ wú lííwaa, kɛ aa ɣɛ ngáá mɔl̃ɛ́ w̃ɔ́i pekaítii fááw̃a.

Ngí tɔɔỹái le wú w̃á, nuí fíli ɛ́i ɣɛ́ lokohéini Ngalángi w̃ásandai wu ngáá ndopo gúlo ɣɛ kíli, Ngalángi w̃ásandai ɛi ɣɛ maa w̃ɔ́i w̃ááh̃u.”

Kɛ́ sítii kpih̃íw̃aani ti ngáá tɔwɔ́ mbá yélaa taá ɣɛ́ ngáá tɔwɔ́ mbá lála yélaa, aáva sítii kpih̃íw̃aani pa ti ngáá tɔwɔ́ mbá lála yélaa, tiyá lɔ́ taa ɣɛ́ ngáá tɔwɔ́ mbá yélaa.”

Tɔkúla héimai wɔ́lɔ, ná h̃ú Ngalá ngí ŋani kpɛ́lɛɛ kpátɛni, ‘I siỹɛngíni ngaa nyah̃ái bátɛni.’ Kíya nɔ́ɔ pɔnɛngɔ́ Ngala Kɔ́lɔi h̃u ngáá sí, ‘Ná hááw̃a, siỹɛ́ngi aa gula ngi kɛ́ɛ́ɣɛni ngaa ngi njéé ti vɛ́lɛi wu, í báha ngi ỹáh̃ai wa, ti félengɔ ti ɣɛ́ ngáá nuu yílaa.’ Faalɔ, tɛí mɔ́ɔ́ ɣɛ ngáá nuu félengɔ, kɛ́ nuu yílaa kpé.