Popular Bible Verses from Máà 9

Share

Ké Jízɛ̀ cɛ̃ɛ ma ɔ gbo, ké ɔ ɖá, “M̀ dyi hwìɖǐǐ-taɓa-taɓa ɓéɖé ní, nìí, ɔ ɓɛ́ìn ná nìɛ̀, sepóɛɖé nyɔ mɔ̀ nyɔ ɓɛ́ ɔ taɓa Gèɖèpɔ́ɔ̀ hwìɖǐǐɛɛ, Gèɖèpɔ́ɔ̀ ɓɛ́ìn ɔ bìì ɖɛ séín nyuɛ.”

Ké dyúɔ̀ ɓǎ páná ma mú, ké ɔ ɖá, “Ḿ taɓa Gèɖèpɔ́ɔ̀ hwìɖǐǐ. Kpá ḿ gbo dɛ̀ ɓɛ́ ḿ seà Gèɖèpɔ́ɔ̀ hwìɖǐǐ taɓaìn nyɛ.”

Ti ɓɛ́ Jízɛ̀ ɖǎ ma gbǒɔ̀ mú dyá, ké nyɔ ɖò se ma ɓó nìɛɛ, ɔ ɖeín-nà-nyɔ̀ ɓěɔ̀ diè ma ɔ dyi, ké wa ɖá, “Ɖɛ́ kɔ̃̀ jè à mɔ̀ùn seà zùù gbàɔ̀ dyúɔ̀ mú zàà ɓɛ́ìn nyɛ́?” Ké ɔ cɛ̃ɛ ma wa gbo, ké ɔ ɖá, “Zùù gbà nì kà kɛɛ, m̀ se ɓaà kóɖó-kóɖó ní, nìí, m̀ seɛ nyɔ ɖò mú zàà ɓɛ́ìn.”

“Tɔ̃́ nɔ̀mɔ̀ dyíin, kɛɛ tɔ̃́ɔ̀ ɖéè-ɖéèɔ̀ dyi ɔ mú sɔ̀ ní, xwɛ̌ nì muɛ ɖéɛ poɛ nyuùn ɖeɛ́? “Ɓě mɛ ɓéɖé tɔ̃́ ɖé ɓě mìɔùn mú, ɓɛ́ gìɖìǐ ké ɓě pṹa nì.”

“Nyɔ mɔ̀ nyɔ ɓɛ́ ɔ kpɔ̃ dyú-gbɔ́ɔ́ nì kà kɛɛ jè dyi ɓó ní nyɛ́nɛ́ɔ̀ jèɛɛ, nìí, ɔ kpɔ̃ ní jè dyi. Ké nyɔ mɔ̀ nyɔ ɓɛ́ ɔ kpɔ̃ ní jè dyiɛɛ, ɔ se ní jè dyi kpɔ̃ ɖòùn pū, kɛɛ ɔ kpɔ̃ nyɔ tòà ḿ wɛ̃ɛ jè dyi.”

Ḿ cɛ̃ ɓě jǎà gbo, nyɔ mɔ̀ nyɔ nyí m̀ ní pɛ̀ɛ̀ wè ɓɛ́ m̀ kéɛ ná, sepóɛɖé m̀ mɔ̀ Kɛ́ɖɛ́ìɛ̀ nyɔ jèɛɛ, ɔ mu ɔ pɛ́ɛ̀-ɖɛ̀ dyéìn wɛ̃́ɛ́.

“Nyɔ mɔ̀ nyɔ ɓɛ́ ɔ muɛ nyuùn ɓɛ́ dyú-gbɔ́ɔ́ ɓě taɓaà ḿ hwìɖǐǐɛɛ ɖò ké hwìǐ sɔ̀ìn nyɛɛ, ɔ muɔ́ dyíin nɔ̀mɔ̀ùn ɓó nyɔɔ̀ bìì, ɓɛ́ wa kéɔ́ ɔ sɔ́ɔ́-kpò vɛ̀nɛ̀ ɖò ɖɔ ɓá, ɓɛ́ wa kéɔ́ ɔ dyóóɔ̀ kɔ̃ po.

Ɔ jǔ ké nì dyéɖéɔ̀ dyiɛ nyu, ɓɛ́ m̀ ké hwìǐ sɔ̀ìn ní, nìí, m̀ mɛ zàà ɖéɛ. Ɔ nɔ̀mɔ̀ dyíin ɓɛ́ m̀ ké dyéɖé dyúáɖò ɓéɖé, ɓɛ́ m̀ ké ɖé Gèɖèpɔ́ɔ̀ kã́á-ɓòɖòɔ̀ kɔ̃ mu, ké ɔ zi ɓɛ́ wa ké m̀ kè nì dyéɖé sɔ̃́ɔ̀ hɛ́ɛ̀ poɛɛ dyí