Popular Bible Verses from Máà 14

Share

Ɔ ɖá, “Ḿ Ɓǎ, m̀ ɓɛ́ìn ɖɛ séín nyuɛ. Zà dà gǎ-kòpò nìà kɛ ɓó ḿ bũ̌. Kɛɛ wɛ̃́ɛ́ kɛɛ, m̀ mɛ nyu ɖɛ nì hwòɖǒɔ̀ mɔ́ kɛ. Mɔ̀ǔn ɖá ɓɛ́ m̀ ké ní hwòɖǒɛ̀-mɔ́ɔ́-ɖɛ̀ nyu.”

Ɓě mɛ nì ɓɛ́ɖɛ́ kɔ̃, ɓɛ́ ɓě ké ɓaà, ɓɛ́ mú-dɔ̃̌-dɔ̃̌ ní kɔ̃̀ ɖà ɓě kɔ̃ dyi. Ɓěɛ̀ hwòɖǒ-dyùàɔ̀ nì kpéí, kɛɛ kpé hwɛ̀ ɓě mìɔùn dyí.”

Ḿ cɛ̃ ɓě jǎà gbo, ɓóɖó-kpàà dà séín ɓɛ́ wa mu bɔ̃̌ nɔ̀mɔ̀ dyíinɔ̀ jè zio mú pòìn nyɛɛ, ɖɛ ɓɛ́ màaɔ̀ ɖǎà nyuɛɛ, wa mu ɔ jè cɛ̃ìn ɖekè, ɓɛ́ màaɔ̀ jè ké nyɔǔn hwìɖǐi nì.”

Ké ɔ cɛ̃ɛ ma wa gbo, ké ɔ ɖá, “Wìì nyu ḿ mìɔ, ké hwɔ ḿ mɛ mɛ́á. Ɓě sè dà ɓó, ɓɛ́ ɓě ké ɓɛ́ɖɛ́ kɔ̃ nì.”

Ti ɓɛ́ wa nì ma ɖɛ ɖiɛń nyɛɛ, Jízɛ̀ zà ma bɛɖɛɛ̀ɔ̀ ɖò ɓó, ké ɔ po Gèɖèpɔ́ɔ̀ zùo, ké ɔ jaɖaìn kpói. Ké ɔ nyíɛ wa, ké ɔ ɖá, “Ɓě kpɔ̃ɔ dyi. Ɖɛ nìà kɛ mɔ̀ ní kpóɖó-dyùàɔ̀.”

Ké ɔ ɖú ma kópòɔ̀ dyí, ké ɔ po Gèɖèpɔ́ɔ̀ zùo, ké ɔ nyíɛ ma wa, ké wa séín ná ma ɖɛ nìà ɖéɛɛ mú. Ké ɔ cɛ̃ɛ ma wa gbo, ké ɔ ɖá, “Ɖɛ nìà kɛ mɔ̀ ní nyɔmɔɔ ɓɛ́ ɔ wáɖáìn dyi ɓó nyɔ pàɖǎ bììɛ.

Púɛɛ, Jízɛ̀ cɛ̃ɛ ma wa gbo, ké ɔ ɖá, “Ɓě séín mu ḿ ɖei hwɛ̀ìn, sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, ‘Gèɖèpɔ́ɔ̀ mu ɓáɖáá-dyí-gmɔ̀-nyɔ̀ɔ̀ ɖáɓáùn, ké ɓáɖáá ɓěɔ̀ mu dyi gbɛ̀ìn.’

Ɓě sɔ̀ dyí, ɓɛ́ ɓěà ké mu. Ɓě dyéɛ, nyɔ kéà ḿ xwáɖáún zàa ɖǎ nyini.”

Ké Jízɛ̀ cɛ̃ɛ ma ɔ gbo, ké ɔ ɖá, “Ḿ cɛ̃ m̀ jǎà gbo, máaǔn, hwɛ̀ ɓɛ́ sòò ké wuɖu pòìn sɔ̃́ ní, nì mu ní jè mú-doìn-kpà tã nyuùn.”