Popular Bible Verses from Ɖìvéɖékɔ̀ 26

Share

Ní mu ɖé ɓě hwìɛ̀ nììn, ké ní mu ɓěɛ̀ Gèɖèpɔ́ɔ̀ jǔùn, ké ɓě mu ní nyɔ ɓě jǔùn.

nìí, ní muɛ nyuùn ɓɛ́ níɔ̀ ké ɖaɓa ɖé ɔ nììn ɖaɓa-tì déínɔ̀ mú, ɓɛ́ ɓěɛ̀ ɓáá-ɖɛ̀ ɓěɔ̀ ké bã ɖé ɓóɖóɔ̀ kɔ̃, ɓɛ́ ɓěɛ̀ cu ɓěɔ̀ ké tòɖò.

“Ɔ jǔ ké ɓě dyi ní gma ɓěɔ̀ dyi kpɔ̃ kóɖó-kóɖó, ké ɓě dyi wa kíɖíí sí ní

“Ní muɛ nyuùn ɓɛ́ gìɖìǐ ké ɖé ɓěɛ̀ ɓóɖóɔ̀ kɔ̃ nì, ɓɛ́ ɓě dyi mɔ́ín, ɓě ké se fɛ̃̀ìn. Ní mu kpɔ̃ɔ-nìmìì ɓěɔ̀ ɖé ɓóɖóɔ̀ mú dyi zàùn, ké gàsíà ɖò se ɓěɛ̀ ɓóɖóɔ̀ mú zĩ̀ɛ̌n mu.

Ní mu ɓěɛ̀ hwòɖǒǔn-hwòɖò ɓéɖéìn, ɓɛ́ ḿ kéɛ nyu ɓɛ́ ɓě ké dúún zaìn, ɓɛ́ ɓě ké dyí vò, ké ní mu dèè-wùɖù ɓɛ́ ɔ nìà ɓó ḿ kè ɓě pṹa kɛɛ kɔ̃in kpɔ̃ùn.

Mɔ̄ mɔ̀à Bounɓo mɔ̀à ɓěɛ̀ Gèɖèpɔ́ɔ̀ kɛɛ mɔ̀ nyɔ zà ma kà ɓě ɖé Íjè-ɓòɖòɔ̀ kɔ̃, ɓɛ́ ɓě ké seà Íjè-nyɔ̀ ɓěɔ̀ gǐì jǔ ɖeɛ̀. Ḿ zà ma waà gɛ̀ɛ̀ɔ̀ ɓě ɖɔ, ké ḿ nyuɛ ké ɓě buɛ̀ ma.

Ní mu ɖé ɓě hwìɛ̀ cĩ́ìn, ké ní mu ɓě mú ɖɛ̀ɓɛ̀ìn.

Hwɛ̀ ké Bounɓoɔ̀ cɛ̃ɛ ma Mózè gbo ɖe, ké ɔ ɖá, “Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá ɓěǐn ɖá ɓɛ́ ɓě ké kũùn-kpò ɓě nyu, mɔɔ ké ɓěǐn ɖá ɓɛ́ ɓě ké kũùn-kpò ɖò mɔɔ sɔ́ɔ́-kpò ɖò mɔɔ sɔ́ɔ́-kpò sɛ-sɛ ɖò dyi nyànàìn ɓó ɓě mìɔùn bìì, ɓɛ́ ɓě kéɛ mú-hwɛ̀-ɖɛ̀ ɖáìn. Ɓěǐn ɖá ɓɛ́ ɓě ké ɖɛ ɓěɛ̀ ɖò nyu ɖé ɓěɛ̀ ɓóɖóɔ̀ dà ɖò, ɓɛ́ ɓě kéɛ dyúa dú hwuɖu taɓa, sepóɛɖé mɔ̄ mɔ̀ Bounɓo mɔ̀à ɓěɛ̀ Gèɖèpɔ́ɔ̀ kɛ̀.

Ɓěɛ̀ geɖe ɓěɔ̀ mu bãùn mìɔ jèɛɛ, ɓě mu zɔ̃ sùàɔ̀ nììn ɖii-ɖɛ̀ ɓɛ́ ɓě zà ɖé ɓěɛ̀ geɖe ɓěɔ̀ gboɛɛ ɖiɛń dyi gã̀ùn tee ɓɛ́ geɖe ɖìèɔ̀ ké kɔ́. Ké ɓě mu ɖii-ɖɛ̀ sùàɔ̀ wáká poùn, hwɛ̀ ɓɛ́ ɔ ɖieɔ̀ pá ké ɓó nì.

Ɓěɛ̀ nyɔ hm̀m̌ mu waà nyɔ hɔ̃dɛ̀ɖɛ̀ ɖò kíɖíí kpáùn, ké ɓěɛ̀ nyɔ hɔ̃dɛ̀ɖɛ̀ ɖò mu waà nyɔ táázĩ̀ìn ɓaɖa-bùè kíɖíí kpáùn, ké ɓě mu wa toún ɖuùn dyììn ɖé ɓěɛ̀ gàsíà ɓěɔ̀ mú.

Ɔ ɖǎ ná nìǐn, nìí, ɓě mu mɔɔ́ cɛ̃iń dyi gã̀ùn tee ké ɔ dyɛ̀ìn ɓěɛ̀ géɖéè-gbǎ ɓěɔ̀ kpã́-tì. Ké ɓě mu géɖéè kpã́uń dyi gã̀ùn tee ké ɔ dyɛ̀ìn mɔɔ́-po-tì. Ké ɓě mu ɖii-ɖɛ̀ jĩ̀ kà ɓɛ́ ɓě mɔ́ kɛɛ ɖiìn, ké ɓě mu ɖé ɓěɛ̀ ɓóɖóɔ̀ kɔ̃ cĩ́ìn ɖé gìɖìǐ mú.

Sepóɛɖé ɓě mu ɓěɛ̀ mú-nyɛ́-nyɔ̀ ɓěɔ̀ kíɖíí kpáùn, ké ɓě mu wa toún ɖuùn dyììn ɖé ɓěɛ̀ gàsíà ɓěɔ̀ mú.

Ɓě mɛ kpɔ̃ ní fɔ̀-wèɔ̀ jè dyi, ké ɓě mɛ dyé ní jàɖàìn-gbò hwɛ̀ǐn-hwɛ̀ǐnɔ̀ kpéín. Ɓě mɛ nyu ɖɛ ɓěɛ̀, sepóɛɖé mɔ̄ mɔ̀ Bounɓoɔ̀.