Popular Bible Verses from Ɛ́séɖɔ̀ 32

Share

Ti ɓɛ́ Éézùɖùɛ̀-nyɔ̀ ɓěɔ̀ hwòɖǒ ɖǎ ma mú nyíní, ké wa se ma Mózè toɖoɔ̀ dya sɔ̀ɔ̀ dyéɛń nìɛɛ, púɛɛ, wa poìn ma dyí ɓó Eɖóún gbo, ké wa ɖá, “Nyu à bìì gèɖèpɔ́ɔ̀, ɓɛ́ ɔ ké à nàìn, sepóɛɖé à se ɖɛ ké gàa mɔ̀à Mózè zà ma kà à ɖé Íjè-ɓòɖòɔ̀ kɔ̃ɛɛ gbo kpáa dyí dyuò.”

Hwɛ̀ ké Bounɓoɔ̀ cɛ̃ɛ ma Mózè gbo, ké ɔ ɖá, “Mu ɖé ɓíɖíi wàɖà, sepóɛɖé nì nyɔ ɓě ɓɛ́ m̀ zà ma kà ɖé Íjè-ɓòɖòɔ̀ kɔ̃ɛɛ ɖǎ wa mìɔùn dyíin nyìnììn. Ɔ se hwèɖèìn ké wa ɖǎ ɖɛ ɓě ɓɛ́ ḿ pòìn ma wa náún wɛ̃ɛ kɔ̃ín pòìn. Wa ɖǎ wa mìɔùn bìì kũùn-kpò hwɔìn ɓìɖǐ-dyù ɖò kɛɛ mɛ, ké wa ɖǎa dyúa dú hwuɖu taɓa, ké wa ɖǎa gbo sáa zà. Ké wa ɖǎa gbo cɛ̃ìn cɛ̃̀ìn, ké wa ɖá, ‘Ɓěà gèɖèpɔ́ɔ̀ ɓɛ́ ɔ zà ma kà ɓěà ɖé Íjè-ɓòɖòɔ̀ kɔ̃ɛɛ, ɔ kɛà kɛ̀.’

Ti ɓɛ́ Eɖóún dyéɛ ma kɛɛ, ɔ nyu ma sáa-kɔ̃-zàìn-gbàà ɖò ɓó ɓìɖǐ-dyùɔ̀ dyúa, ké ɔ po ma wuɖui, ké ɔ ɖá, “Ɓěà mu hwɔ ɖò paùn Bounɓoɔ̀ bìì ɓó gàɖàà.” Ɔ jèɛɛ, wéɔ̀ nyɔ kɔ ma ɓó dyíɛɛ, nyɔ ɓěɔ̀ sɔ̀ ma dyí ɓó gànà-kṹún mɛ̀nɛ̀ɛ̀, ké wa nyu ma fɔ̃ɔ-sàǎ-zàìn-ɖɛ̀ ɓě kè gbo-kpɔ̃ìn-sàǎ-zàìn-ɖɛ̀ ɓě. Sɔ̀ìn ɓóɛ gboɛɛ, wa kò ma dyi, ké wa ɖi ma ɖɛ, ké wa ná ma, ké wa po ma gbàɖàùn ɓó pá dyúáɖòɔ̀ mú.

Wéɔ̀ nyɔ kɔ ma ɓó dyíɛɛ, Mózè cɛ̃ɛ ma nyɔ ɓěɔ̀ gbo, ké ɔ ɖá, “Nàmàǔn ɓɛ́ ɓě nyuà kɛɛ ɓúá kpéín mìɔ. Ɔ jèɛɛ, ní mu ɖé toɖoɔ̀ dya muùn ɖe ɖé Bounɓoɔ̀ gbo, ɓɛ́ ḿ ké ɔ ɓaà. Ti ɖíɛ́ ɓě ní, ɔ mu dyɛ̀ ɓěɛ̀ nàmàǔnɔ̀ kɔ̃in zĩ̀ìn.”