Popular Bible Verses from Àpɔ́sò 20

Share

Ḿ ɖǎa ɓě dyí tɛ̀mɛ̀ìn ɖé ɖɛ séín mú kà ɓɛ́ ɓěà ɓéɖé ɓɛ́ ɓěà ké kpéɛ̀-dyí-hwɛ̀-nyɔ̀ ɓěɔ̀ gbo kpá ɖé kũ̀à-nyu-nyu nì kà kɛɛ múɛ. Ɖɛ Bounɓo Jízɛ̀ cɛ̃ ma kɛɛ mɛ nì ɓě hwìɖǐi. Ɔ cɛ̃ɛ ma, ké ɔ ɖá, ‘Nyɔ-ɖɛ-nyí-nyí dyà múà, ké ɔ zi ɖɛ-dyé-dyé dyí.’ ”

Kɛɛ ḿ se ní fɛ̀ɛ̀ɔ̀ jè kàmà, ké ḿ seɛ ɖɛ ɖá. Hwìè ɓɛ́ Gèɖèpɔ́ɔ̀ mɔ́ ɓɛ́ ḿ kéà kpaa, ḿ mɔ́ ɓɛ́ ḿ kéɛ dúí jaɖa wɛ̃́ɛ́ pū. Ḿ mɔ́ ɓɛ́ ḿ ké kũ̀à ɓɛ́ Bounɓo Jízɛ̀ nyíà ḿ wɛ̃ɛ nyuɛ hwɔ. Kũ̀à ɓɛ́ ɔ nyíà ḿ wɛ̃ɛ mɔ̀ ɓɛ́ ḿ ké bɔ̃̌ nɔ̀mɔ̀ dyíinɔ̀ cɛ̃. Bɔ̃̌ nɔ̀mɔ̀ dyíinɔ̀ ɓá kpeɖe nɔ̀mɔ̀ dyíin ɓɛ́ Gèɖèpɔ́ɔ̀ nyu ma nyɔ bììɛɛ jè dyí.

Ɓě mɛ màìn ɓě mìɔùn mú, ké ɓě mɛ màìn ɓáɖáá kúɖúú ɓě mɔ̀à Gèɖèpɔ́ɔ̀ nyɔ ɓě ɓɛ́ Zùù Hwɛ̀ǐn-hwɛ̀ǐnɔ̀ ɖǎà nyu ké ɓě mɔ̀à waà kɔ̃in-gmɔìn-nyɔ̀ kɛɛ mú. Ɔ nyuɛ ma náa, ɓɛ́ ɓě ké Bounɓoɔ̀ nììn nyɔ ɓě ɓɛ́ ɔ dyéìn ma ɖé ɔ mìɔùn nììn nyɔmɔɔ̀ múɛɛ dyí gmɔ̀.

“Ɓó kàǔn wɛ̃ɛ, ḿ zàìn ɓě Gèɖèpɔ́ɔ̀ kè bɔ̃̌ nɔ̀mɔ̀ dyíin ɓɛ́ ɔ ɓá ɔ kpeɖe nɔ̀mɔ̀ dyíin ɓě ɓɛ́ ɔ nyu nyɔ bììɛ dyíɛɛ xwáɖáún. Bɔ̃̌ nɔ̀mɔ̀ dyíinɔ̀ ɓéɖé kpé ɓɛ́ ɔ ké ɓě dyi kùìn, ɔ kè ɓɛ́ ɔ ké ɓě kɔ̃̀ɔ̀-ɖɛ̀ ɖò nyí ɓó nyɔ séín ɓě ɓɛ́ wa ɖǎ wa mìɔùn Gèɖèpɔ́ɔ̀ xwáɖáún zàìn nyɛɛ hwìɛ̀.