Popular Bible Verses from 1 Kɔ̀ɖéíntĩ̀ɔ̀ 1

Share

Kɛɛ Gèɖèpɔ́ɔ̀ gã ma ɖɛ ɓě ɓɛ́ ɓóɖó-kpàà ɖáìn ɖɛ cá-cáa, ɓɛ́ ɔ ké hwòɖǒ-fɔ̀nɔ̀-nyɔ̀ ɓěɔ̀ dɛ̃ nyùìn. Gèɖèpɔ́ɔ̀ gã ma ɖɛ ɓě ɓɛ́ ɓóɖó-kpàà ɖáìn kpéí-hwɛ̀-ɖɛ̀ kɛ, ɓɛ́ ɔ ké nyɔ ɓě ku dyiɛɛ dɛ̃ nyùìn.

Kɔ́ɖɔ́sìɔ̀ jè cɛ̃-cɛ̃ mɔ̀ ɖɛ cá-cá ɓó nyɔ ɓě ɓɛ́ wa nìà mú gbɔɔ̀ǔn wɛ̃ɛ gbo. Kɛɛ ɓó à mɔ̀ nyɔ ɓě nìà póɛń nyɛ gboɛɛ, Gèɖèpɔ́ɔ̀ kpé nì kɔ́ɖɔ́sìɔ̀ jè cɛ̃-cɛ̃ ɖeín.

Sepóɛɖé Gèɖèpɔ́ɔ̀ nììn ɖɛ cá-cáɔ̀ fɔ̀nɔ̀ hwòɖǒ ké ɔ zi nyɔǔn nììn fɔ̀nɔ̀-hwòɖǒ dyí. Ké Gèɖèpɔ́ɔ̀ nììn kpéí-hwɛ̀-hwɛ̀ɔ̀ ku dyi ké ɔ zi nyɔǔn nììn gana dyí.

Gèɖèpɔ́ɔ̀ mɔ̀ hwòɖǒ-kɔ̃-dè-nyɔ̀, ké ɔ mɔ̀ nyɔ ɖá ɓě, ɓɛ́ ɓě kè ɔ Dyú-gàà mɔ̀à Jízɛ̀ Kɛ́ɖɛ́ì mɔ̀à à Wuɖuí-kɔ̃̀-nyɔ̀ɔ̀ kɛɛ ké gbo kpɔ̃ìn.

Ní ɖíí ɓě, ḿ ɓaà ɓě ɓó à Bounɓo Jízɛ̀ Kɛ́ɖɛ́ìɛ̀ nyɛ́nɛ́ɔ̀ jè. Ɓě séín mɛ cɛ̃ ɖɛ dyúáɖòɔ̀, ɓɛ́ mú-ge-ge ɖò ké se ɖé ɓě hwìɛ̀ nì. Ɓě mɛ kpɔ̃ìn gbo, ɓɛ́ ɓěɛ̀ hwìɖǐi-poìn-poìn kè ɓěɛ̀ fɔ̀nɔ̀-hwòɖǒ ké dyúáɖò nì.

Dɛ̌ hwòɖǒ-fɔ̀nɔ̀-nyɔ̀ ɓěɔ̀ nìɛ́? Dɛ̌ Gèɖèpɔ́ɔ̀-cèè-ɖɛ̀ dyuò-nyɔ̀ ɓěɔ̀ nìɛ́? Dɛ̌ ɓóɖó-kpàà dòǐn-zà-nyɔ̀ ɓěɔ̀ nìɛ́? Má, Gèɖèpɔ́ɔ̀ ɖǎa nyu ké ɓóɖó-kpàà nììn hwòɖǒ-fɔ̀nɔ̀-ɖɛ̀ɔ̀ mɔ̀ ɖɛ cá-cáe?