Popular Bible Verses from Sálmos 91

Share

A yósi tome Pangarádejnai jne: –"Uté u Yãrésõri, jé aja pinama uaté uje chaparu yibai; ga Yangureni Dupa upo uté rĩ, uje yicha yanguretigai aja uté.

Gosi uje cho dayaridíji Pangarádejna Gatajnoquei Achamisõre gãrésõre jogadi uté a jé pusi Dupa Ujopíerã́quedatéi uté uburúdi jne.

A uté tibidi yu, ga a yichajnai uté jne; yugúsi uté gari iji gajnenie pujurei jmainie. A yijnime uté iji udore, ga a yijosi uté iji gaté jne.

Chamáñaje a uté chiroque darótigo gaté unirísoño ore aja ua jne gu jetiga ore chirote bejode aja bajesúrigo jnese.

Chamáñaje uté a chaco babai ome daramanie jne, ga a ese báringárique pãreque iji uté ujnóngone uburúdi. A uté úringai ũré tu jne ujetiga cho paróbedie gajnei guebeque ome ua jeta chaparu babai.

Uje e bo bajogadíji Dupade Gatajnoquei Achamisõre uté gãrétigai; uje Pangarádejna Eyúgojmai u, ga Yãrésõri tupo rĩ.– Jecute a jé ca cuchárique chósi tiji ua jne. Ga a jé ca cucha chungónique cunguésõri baguíjna cárpai uté to.

Jé ũrepise uje a uté chiqueta ua ome bajnenie pujuya pipoguiédei udire uje bajnapáisõri chicháji baquei, jé aja dequejnaréquedaté pequesarãsórone.

Uje a pejnaque ayoréode iji barosadi jne uje ore batigai chise mil, jé aja iji bãrachua qui ga a pejnaque ayoréode uñane iji uté jne ga ore batigai chise 10 mil marínga, a jé ca ujápisaja ua go.

A jé ca atodo cucha dacate noñatígo iji dejai jne, jé aja bamajosórone ore ichogaranenie docojoi iji diri; Jeoga dequejnareque chagúode u uje diguiji ijnangunu uéguei ajéode, jeoga cucha chungóri uje chejna ore iji guedé gatócoro uté, mu a jé ca atodo jne.