Popular Bible Verses from Sálmos 40

Share

Yidota yuja yirodítigai ome Pangarádejnai uté. Ga uté tajia gadoi jetiga tangári yagoyedie udire ome re. Uje yugúsiji erutique ajé carujnánguejnai, ga que toque guese pigaitique ome yu iji pacataringuei uté. Mu uté chijnime yuji uté, ga chicha yirídade aja cucarané timingue gai, enga que toc ujeta yirípieraque qué chopo caru iji uaté gai.

Ga uté chisíome pibijnate ichai ome yu rĩ, ga piradé icha tṍrapóji yibijnani rĩ uje picotaquei gajné uaté ome Yocangureni Dupade uté. Ayoré jiéode a ore chimo yu ga ore todo jne, enga a ore chicha danguretigai aja Pangarádejnai uté to jne.

Pininaquei gajnesṍri tu gosi uje cho dangureníji Pangarádejnai uté. Ga que uté chajire dicotárechoquíode udore ore yúrique gotique, jé aja udore ore uje ore angurenone u dupa quedéjnane udore ore.

Urénga, yijnátu ujetiga yi bajegaidode cucha jne, Yangureni Dupá. Bacajnaquéode udore déji yáyipie ajei.

Jé ca ãraque bosongaquei uté ome yu, Pangarádejná. Mu ajuéga ga jecucha bajnoraquédatéi, báringai ũré udore ore nóna yu aja quedéjnane gatuaque ome yúringai pañeraque.