Popular Bible Verses from Sálmos 146

Share

Pininaquei gajnesṍri u gosi uje átajasṍri tu jnani bajai Jacob uté angureni Dupa, ga uté anguretigai jogadi u Dadupa Pangarádejnai.

Jé ca acha banguretigárigaja pasuté cucháberaque ujnacáningo ore, jeoga bojórique ayoré ujnacánique u, uje que piquetangóri u uté gosi gu.

Pangarádejnai chajire udore ore adode aja quigode uje ore déji pijosipiedie jmainie; ga chisíome udore ore posode ome ore uje chaguhei chejna ore. Pangarádejnai chijnime ore jurúgayode ore iji ore úringane pujurúgayo. Pangarádejnai chuchẽre edoparigode ore edodie gáyode. Pangarádejnai chiringare udore ore aja gaté uje ore tajia re; Pangarádejnai chijnorapise uréone ore.

Uté ipesute gatajnoquei, jé aja jnumi, jé aja yote quedéjna cuchábi, jé aja udore jogosórone cucha jnese; uje jecucha ũré uté ome añerane cucha jnese.

Pangarádejnai chañuru purása quedéjna disorane ore guio; jé aja uje chirota disijádode, abai toguedie ore. Mu pésu ga sijnángone udore ore jmapiedie chaquesu re jnaque iji te.