Popular Bible Verses from Sálmos 10

Share

Pangarádejná, bamíningapísa jnani áyuguhebátade ore ajegaidode cucha udore quigode. Bapésu ore áyipie etotiguei jeta ore jnusi rángome cuchade. Ga e dimane bangoninguini ome udore ore yui. Barota disijádode udore ore, jé aja ayoré ducañerájmane ore uje ore chejnáreque jnani josipíerane ore isocade ome re. Uje bagaidi u gu ujetiga jnani uté, uje cachi pipesute uté iji dachabei, jé ca pésapo daquiñiringuei ome ore rĩ.

Mu que bamótique cucha dacate cuse, uje badójnangapísa gosi ipesudedie pujurei, jé aja gosi posode dejo ome dojode ayoréo, enga a opo udore ore oré jne rĩ. Udore ore yugode ayocáidi tu ua jeta ore noñome re iji bajmainie. Uje jecucha ua u disijádode ore átajasṍri.

Pangarádejná, ¿Cuchárique u gu a uje idája ua iji yu? ¿Cuchárique u gu a uje bapógu ua ome yu iji yajnéone dire uje páyuguhebátigade yore yibai?

¡Ãriji, Pangarádejná, Dupa Pujnuéngaisṍri á! Be ga asingare bajmanai aja gaté ome báringai irotacáca. Jé ca acadígui udore ore uje cuchade na ore aja jnumone.