Popular Bible Verses from Provérbios 31

Share

Jecucha ga yoquicotaquéode gajnetodie u chequé ueradépisedie uje ore chedu dahueratigai. Chiese uerate ore isocade to, mu ore chãra yoque uje ore áyipiedie jogadípise raque enga querénga ore áyipieraque déji ore ujórigo ayoré gotique. Mu que cuchárique tõrapísiji ujetiga ueradei chequéraque edodie. Chequedíe udire uje ore cho deduguéjna cuchábi iji Pangarádejnai urásu ujetiga yicotágo ore. Chamáñaje ore u gu uje ore chijnóra Dupade uté.

Ga uaté ujodie chequei jecucha ore tangári ome cuchade to ga uaté que todo daquéningome cucháriguiji dire uñeque. Jecucha chatata payuquetotiguei to ga nínapúsu rome dajúdode udore quigode. Enga uaté chacate dajogasúode ore to ga cho jetiga pininaquei jogadípise uaté acadigode ore gu uaté ijnoraquédatéi ome ore.

Jecucha uaté chisi darása jmatágode ore iji dẽrapáidode cucha uje canirepise uaté gu.

Yababi á, que toguírase jeta piya chequé parágueraque, uje garósi udire ore iji erámi. Jecute udire ore tiógarapísa dáringanie chequé orerẽ́ uje ore gajnunie u cucarané pérladie uje oredie jiépisi to.

Jé tiógara jeta picota chequé tuaté iji urasade ore ujade gatuac. Ga jé tiógarapo to rĩ jeta patatacho uaté ipesudode cucha quigode to rĩ, átegoningáne ore jnese to.

Jecucha ga uaté abode, abai ore chicota uaté.