Popular Bible Verses from Provérbios 29

Share

Ujetiga Dupade pota cuchárique úringárique pipesudome yoque marínga, yocujórique ayoré ore chãra yóguiji cucha dacatique ga ore pésu cucha unerotiguei ome yoque. ¡Mu jé ca yitodógo ore uru bisidégode! E mu yicoi ga yipéco Dupade uru quigode ga a yacãrésõri tu uté ome cuchade jnese jne. Chamáñaje a yangácoi yocujórique ayoré jne enga cho jetiga pujuyáraque isaque yoc enga e que toc jeta yipéco Dupade ojningane cucha udore quigode.

Ujetiga ca ore timíninga Dupade uru quigode iji danínique ga que paquĩraque ore ome ore isoca noñatígo. Mu pininaquei gajnesórone u punínique idáisoningo ujetiga ore dopísi Dupade uru quigode jnese.

Ayoréode yoquipotiguéode gajnúone u burica poruti. Jeta táyipieque orusṍri enga que chayo doruti erásorone údi ga que base, ga chayo uté gosi údi aja pate gajnaréngone. Mu jetiga ayoré áyipierãque orusṍri ga jĩraque chayo carubode údi enga basíji cuchade yui.

Uje paquesuque disírique údode ome daté, dayé ore enga quene uté chiraja cucha dacadode quigode to. Mu ujetiga ca ore cho dabi quique ome cuchade enga disi tuté a ca chiraja cuchárique jne, enga uté daté a chajéngui jórogome dabi atígo jne.

Opise babi quique gatuaque enga a ca amo pajegátigáringome ua jne enga a barasique ua gatuaque jne ome babi tuté ate omone.

Ayoré dicotárei ujode ayoré ore chosi iji jnumi gu icotaquéode ome re. Jé basa ga ore chosi jnani pajnotai iji gaté gu pararinguei.

Ayoré botáquechoquíode uje jecucha ga dosója dejode ome cuchade jnese, enga ore chaguhéta pocaningane gáyode, enga pésupúsu darasade ujuredie.

Ujetiga ore dojnóngaja dojórique ayoré enga ore cho turuturéji uté mu ujetiga tangári dojórigo ayoré uru quigode enga uté suépise dajõrai gai uje chiese chirajapise cuchade. Chamáñaje jĩraque uté chojninga: "Jé dóji, yiraja arĩa. A yipésu jne." Mu chapúsaja dáyipiedie quigode enga que cho parágome dapesutique cucha yúrique jóroque.