Popular Bible Verses from Provérbios 27

Share

Ujetiga ayorérique pota ujeta asíco iquesérigo ga changuñériji ñane jeta asíco jnese. Ga adi jé u ome ayoré irajatátigo jeta ore chacate ñane ome cuchade ga ore irajatigade quérã jnese.

Jé ca ojninga: "Yipésu yisatique cucha pisaque to dirome," mu jé ca barúo udore. Jé soca jé ca araja cucha dacatique dirome ome ua.

Ujetiga bajõrárique urúrigo dosója ua marínga, jé ca etaque uru dosótigo ome ua uje cho baquique gu ome daru dosógode. Jé basa ga jeta gosi chucu baré te marínga, jé ca o bameserãsṍri iji uté gosi uje cachi ucuté baré te gu, enga a cáma cha detétiga casodé gotique ome ua uje cho ajéquesé iji re mu.

Uje yajire yu iji yote yocárei údi ga jĩraque yiraja yu uje uyu u yimoi tuté. Enga jé adi upome uyu rĩ uje yajire yáyipie iji yajei ga yiraja yáyipie quigode jetiga paraque yu jeoga sijnaque yu.

Be ga jé ca asi babai ome bapesutique cucha dacate uerate. Mu jé dóji ga bojórique ayoré uñai u ujetiga chisi babai.

Ujeta ayorérique chojninga: "Yiraja uté ate gajnaréngone mu que yatata uje yijnorapise uté gu." Mu uté ojningai dajnoraquei que pijoque iji daruode udore. Mu ujetiga gosi chingo dojórique ayoré ate gajnarétigaja ga quene pijoque uje gosi chijnóra dojoi tuté ayoré.

Chequé chérecherédie jé ore chopise guiguíjnarique edóraque uje gue ayedie jecucha cho ta-ta aja jnumone iji uaté. Ujeta uaté abai pota jeta chaquĩ́ra uaté ome úringa chérecheré enga a jé cho ujetiga pota jóroga jeta chaquĩ́ra emi mu que toc jeta paquĩraque. Jeoga chojne aceite aja dajmanai enga chojninga: "Jé ca ṍraji yijmana ujade jne, ga jé bajogate yijmanai." ¿Ama aceite tangárirási jnani tuté uruode a?