Popular Bible Verses from Provérbios 12

Share

Ujetiga páyuguhebátigarique nárasa gosi aja jnumi mu gosi jõrai a chojningárasa: "Aya o báyugu ua iji te," enga jé u uje gosi cha dáyuguhebátigai ga gosi nína re.

Ujetiga uneripise pacajnaquéode ome gosi, ga gosi ijnorai tu pirajatigai to ome re. Mu ujetiga ca gosi chise pacajnaquéode unétique ga obiréjna uje que pota pirajatigai ome re, uje chijnóra dáyipie noñánguenie ome re gu.

Ayoréode uje ore uruode dosója ore ujode ayoré ga cho jetiga ore chichagu ore ome asṍreraque ome daru dosógode udore. Jé basa ga ayoré áyipierane udore ore cho jetiga ore uruode chisi ome pijóningai ome ore ujode ayoré. Uje paraque ore gu.

Ujetiga gosi chorase ayoré táyipietique quique mu que tangári dojórique ayoré uruode. Chiese irajataque ome dajéode gu. Jé basa ga a po quique ayoré áyipierã́tique quique enga jĩraque tangári uje paraque gosi gu.

Ayoré táyipiegode jĩraque ore dosója dejode ome cuchade jnese. Mu ayoré áyipierã́tique ga que dosója dejórique gu uje chiraja gu uje gajnareque eti dosója dejode, ga chidota rome ore ate gajnaréngone udore jnese.

Chequé paráguedie cho ujetiga ore eduguéjna cuchábode u dabayode ga cho jetiga ore chanire ducayórique aja ore enochai. Jé basa ga chequé sijnánguenie ore u uje jecucha ore tagu dejode ome dabayode ga ore abayode que ore irasique re ome ore uruode udore. Enga ore isijnaringuéone udore chajo dabayode aja jnumone.

Pangarádejnai chetaguipise aringácachoquíode ore. Jé basa ga nínapúsu re ome udore uje ũrepise ore ga ore chimate daruode quigode aja guesi jnese.

Ayoré ate ujñapetade udore ore ga que ore chacho cho quique darasade ore ome pate arégode quigode. Jé basa ga ayoré sijnángone udore ore que ore chiraja jetiga ore cho quique darasade ome pisoca arégode, uje bijnaque ore ome pisoca omone gu.

Ayoré uru uréone a ore ecáji deréjnane jnese jne. Jé basa ga ayoré urupatáquechoquíode jĩraque ore chise deruéode.