Popular Bible Verses from Provérbios 10

Share

Uje Pangarádejnai chacacãre gosi ga que cucha gajnarétique chimera amangaquéode ome uté. Enga cucha ueradipise Dupade amangaquéode udore cucha ome gosi enga sué ugucharane ore ugúcha dipeséode gáyode jnese.

Uje chérecheré gosi ga que gosi basíji sumájningárique, pipojnaquérique ore yúrique. Mu ujetiga gosi ca tṍra daruode aja guesi ome cuchade ga áyipierãi tu uté gosi.

Petétigade u uje chiborátaja pocaningane ome ñane. Jé basa ujetiga pijnoraquei déji gosi enga uté gosi chicadígui dojode ayoré ore adode jnese ome re.

Ujetiga que gosi nunaji cucha pisatique enga que chijnime dagúcharique ãrírique. Jé basa ga ujetiga gosi ujuyápise cucha pisagode ga gosi ujuya dagúchade to.

Uje gosi tangári paquĩraquéode enga gosi chicáji dajeque pucuecaringuei gaisṍri. Jé basa ga gosi chetaque paquĩraquéode ga gosi qui u dajei uje chicáji pitoringai.

Ayoré uréone ore susípise dadode guio ga a jé ca cuchárique chósi tiji ore jne. Ayoré ate gajnaréngone udore ore u uje cho ujetiga ore ate gajnaréngone igarique udore ore enga a chuchẽri ore úringane ate gajnarécho aja guesi jne.

Ujetiga gosi chopise dangarádejnai iji Pangarádejnai enga gosi ucuecaringuei chajnera dádi. Mu Pangarádejnai a chibéro ayoré sijnátique ucuecaringuei jne iji erámi tudé.

Pangarádejnai que juéga jnani uréone ome chaguhei urõsórique. Jé basa ga ayoré ate gajnaréngone ore ga ore tṍrai dedo tome chagúi mu Dupade que juéga pusubudéringai ome udore ore.

Úyujnamia uje chijnirósi jnumi taja dajesui ga tṍraji jnani sijnai tuté enga chubúchuja dajesui ga que chisa dejóringome ga cachodi jé u uté. Jé basa ga jnani ate arétique jé ecáji deréjnane gatuaque.