Popular Bible Verses from Nehemías 8

Share

Enga Ésdras nejé ore údode ga chojninga: "Ayáyo ga beyoi uacabosode enga acho enga eduyo uacabose unérone ome uaque jne. Enga ójiyopo víno "dulce" rĩ uje uneréjnapise uté ga que chujé ayorérique. Mu uacajorane uñane ujetiga ca ore potique cuse enga abichoi ore to enga a ore tagu uacabosode to jne uje Pangarádejnai Dupade gajneque diri udé gu." Enga chojninga: "Ayáyo uacajnusiétigade udore, enga anínañopúsu uaque iji Dupade iquei, uje petotiguei garani tu pininaquei uje garani tu Dupade gu."

Enga israélgosode ore popise dejode. Ore chiraja jóroque dáringáringo máraque gu jnese, uje ore chudute Moisés urusarane Dupade urúo quigode gu iji dacadisórone ore pijnanone. Enga Ésdras, jé aja Nehemías uyu, jé aja levígosode yaquírango ore ome ore agoyedie ga yajógo ore aja jnumone enga yojnijo: "Ayáyo uacagoyedie, uacajnusiétigade ore uje dire puyai tudé gu ome Pangarádejnai ga pininaquei jogadi turásu diri tudé ome uacangureni Dupade uté."

Enga Ésdras chisi Pangarádejnai gai, ga chojninga: "¡Picotaque cuchape israélgosode Yocangureni Dupa Pujnuéngaisṍre!" Ga yurasade ore iji uté ejoi ore chãrai dajmanáyone iji gatéode iji uté ejode jnese. Ga ore narare jnese enga ore chojninga: "¡Ueradéjnapise! ¡Ueradéjnapise! ¡Yinínango yoc! ¡Yinínango yoc!" Enga ore doi jnese enga ore chichaga dagataidie aja jnumone jnese, ga ore chichagápo dacurutedie aja jnumone to jnese rĩ, enga ore chisi Pangarádejnai Dupade gai jnese.