Popular Bible Verses from Márcos 4

Share

Mu jĩrique Jesús niji ga chaquĩ́ra úyujna, yote quedéjnai ore. Enga chojningame udore: –Oyo parácho iji jnumi.– Mu uje Jesús urúo udojo ga jĩrique ore cho paráguiji jnumi jnese. Mu jĩrique Jesús chósi tome dacadigode ore: –¿Gotique chimo jóroque re uje a garósosi uacanguretarétigátique ome yu a? Uje úyujna cuchabé tuaté chajuque uacagutedie que.

Mu Jesús chajuque dacadigode ore agutedie ome dapesútedatéode udore. Jecute ore tijapísa enga ore chojningame ñane: –¿Chimo jóroque re jnani uté oidé pujopié garãtígome uje jé chuságaja yote quedéjnai, úyujna uje chaquĩ́ra ore enga ore tangári?

Mu Jesús moji cucoi ajidé tiji quigade. Enga chugutána dagutadéraque. Jecute jĩrique Jesús acadigode chiringare Jesús enga ore chojningame: –¡Yocangaráni á! ¿A ca cucha ome ua ya uje a yote quedéjnai jno yocúdi jne aja dádi a?

Jesús chojningápome ore rĩ: –Mu ejnáñopise uacáyipiedie aja uacadudigode Dupade urúo quigode. Ujetiga apésu uru quitique ga a jé jogadi tu ujetiga chacadápo ua ome daru uñéngo gaté rĩ. Mu diga chimo jne uje que ese uruode unerotiguérique, ga jé u uje chojne barajatigai babai ome daruode quigode jnese.

Jesús qué cho quique Dupade isocáringome dajnetígo ayoréo uyoque ujetiga chamáta yógaja dari jne, enga chojninga: –Dupade isocai ujetiga chamáta darasade aja re jé péropísiji cucha ajñunie isocade uje jnanírique chaca. Uje jnani tuté chimate dacapiedie aja jnumi iji cucha ajñunie enga jno ga que chajirápo yui gotique rĩ. Moji dejade, enga niji iji durasedie jnese ome dasatígo uñéngo. Mu chejna deréjnane mu quigade ga chunina mu acapiedie udire sué enga chaquesu re enga adie cuse. Mu cachi agúpuranguipíse uté ome cucha ajñunie udire isocade ome udore.

Uacuñeque ujetiga angoninguitígo guesa ga ca acusúyo uaque. Mu beyoi ga angáchoi yacajnaquéode udojo.