Josué e chimanipise Yocangarádejnai uru casodica aja jnumone jnese, uje tangaripísi iji Moisés pijnani nanique gu. Ga uje chejnápise cananéogosode ore jnese nanique enga jé u nanique uje chajuguína ore uniri ome darasade ore nanique. Ga jnani bajai Israel ujnacarode uje gare ore iji yirídai nanique, ore ape disi ejode cuse to nanique enga ore u uje Josué chajuguína puniri peque chojmara, chojmarane ome ore nanique ujetiga ore cho daniri iji péode, péode nanique. Ga jé u nanique uje quene ore cho dajñare to nanique ga que ore dopoi pocaningane to nanique rĩ, uje e ore gajneque puniri uté nanique gu uje ore chejna puniri uté unirísõre bajade ore to nanique.