Popular Bible Verses from Juéces 7

Share

Ga Pangarádejnai catecã́ri Gedeón uté nanique ga chojningame: "Urénga, bajorane iji barasade jiei ore ga a ore jos eti ore guejnaque madiángosode ore jne, ga a ore chisi dabai jne, uje a jé ca ore áyipie déji jne uje uyu upúsu uje yátaja israélgosode uaque gu ome ore.

Enga jé u uje Pangarádejnai Dupade chojningame Gedeón: "A bajorane u udore uje ore chóji ome dajmanáyone jne. A 300 uaque marínga, a jé yátaja uaque gajneri ga a ajnuéño madiángosode ore gai gajneri uje jõcarataque obiréjna ore diríca mu. Jé dóji ga uacajorane uñane ore chajni to."

Jecute ósi tome jnanione udore: "¡Jeta gosi iji uacajade chagutu rome ore jeoga gosi dosóñime yoquigaidode udore ore yui jne enga jé areque jeta gosi chajni aja daguíjnarique!" Uje Gedeón chatata Dupade uruode udore ome darasade ga uñane chajni. Ga ore chisecãru arorade ga ore batigai chise 22.000. Ga Gedeón chisecãrápo dajorane to rĩ aja dajocaningai ga ore chise 10.000.

Mu Dupade qué chajo raja uje chojningame: "Gedeón, jé jiei uaque. Bo ore údi aja yodi ga ore chóji, ga a yatata yajegaidode iji bajõráringo ore ujade jne jeta gosi nóna ua aja uacajocaningai, jeoga jé ca gosi nóna uaque jne."

Ga jé u uje Gedeón jno ore údi aja yodi jeta ore chóji. Ga Dupade chojningame uté: "Adójningapísa ore jne jeta ore chóji yodi iji jnumi ga amáta ore aja pijogatique jne. Jé basa uñane uje ore chóji ome dajmanáyone ga amáta ore aja pijogatique uñeque." Enga Gedeón chisecãru udore ore uje ore chinguíra yodi úringai pote aja dajmainie ga ore chise 300. Jé basa ga amirone ore chibócare yodi iji jnumi jnese.