Popular Bible Verses from Juéces 16

Share

Ga chojninga: –¡Sansón á, filistéogosode ore di jeta ore chisa ua!– Enga Sansón niji jmame ga jos eti qué etotiguei casé déji uje que chunina gu uje Pangarádejnai Dupade Ujopié e chijnime re iji que.

Enga Sansón jnusina Dupade ga chojninga: "¡Pangarádejná, Dupade á! ¡Ajnusinama yu to iji de yé! Enga átape ua aja yu ga chojmarárique jne rĩ. Ga yope yedo pusíga casidé ujo jne ome filistéogosode udore ore. Ga atire yetotigué casé yibai ga chojmára."

Ga quene Sansón chatatapísa detotiguei garani ome. Enga chojningame: –Dalíla, uje yibase nanique mu que pujugape yatui to nanique iji yibatigai, jé aja deréjnane udojo to. Uje cáma yibase nanique ga Dupade cãrai nazaréo uyu iji ité ajei. Bamo uje gosi cho nazaréo iji re ga que toc jetiga pujuque gosi gatui to jé aja jeta chimate daruode aja guesi jnese ome Dupade. Mu jecute Dupade jé ajéo ome yu ica jeta jé ca pujuque yatui to jé aja yeruénique. Mu ujetiga gosi chuju yatui ga a yetotiguei íjnoque jne ga jé u uje yiserẽrája ga yopise jnani serẽrachugode ore to.

Dalíla jecucha chojningame Sansón iji deréjnai údode: "Ango betotiguei garãtígaja yu." Que chimoque guedé batigárique uje pota chiraja Sansón etotiguei jnuéngaisónique cucha. Enga Sansón ga tangári Dalíla uruode quigode ga uruode chácariji Sansón údode.

Ga jé uje Sansón tibite ga chojninga: "¡Ajuéga filistéogosode ome yu jne enga ore patĩ́ora yu jne jeta ore angureni dupa gotique iguíjnai tudé cṍra yoquibai é!" Enga jé u uje Sansón chejna detotiguei aja guesi uje chisa ore angureni Dagón iguíjnai cutádedie ga chucuase iji gaté ga jé u uje cho cocho-cochóguiji gaté ga cṍra filistéogosode ore asutedie ore gai, jé aja ajeminórone filistéogose ore jnese. Ga Sansón yuque ejode uje ore patĩ́ora uté, ga suépise yuque bajade gáyode jnese uje Sansón uecaringuéone qué u nanique.