Popular Bible Verses from Génesis 49

Share

A ãrai bogué tiji gaté jne, enga obiréjna báringai eduguéjna cuchape ome bogué uaté. Enga a ca toc ujetiga pijnimé bogué tuaté iji bajmainie, jé iji bape disi ejode ore jmainie to rĩ, jé aja ujetiga bogué uaté gajnengoripísi di jne enga jé jogate uté jmanai iji deréjna pitade. Enga erámi unirisórone iji erámi údode jnese a ore cho deduguéjna cuchábi iji bogué isasṍri uté jne iji erámi údode jnese enga a ca ore chimoque iroquérique jeta ore dopísi quigode.

"José á, bajnui tu pore ijoréjnaminie iji tié edógai uje choru ore idai ujuyaquéode iji aja gaté enga ueradéjna aja gaté enga obiréjna iji ta dajogadi ome idaisórone. Enga adie jiépisi iji dajogadi. Jecucha ga dimane ore ojigode jé aja ore ojodie ome ua ica, enga ore chicho ua gatuaque, enga jecucha ga ore chirote ua gatuaque to rĩ, mu que toc ujeta pujnuéngai ua to ome ore.

Chamáñaje etoque ua ome boji, bojodie ore gu ujetiga adota ua aja gatuaque uje ore chirote ua. Yacaranguipísome Jacob uyu yangureni Dupa uje chãraque ua ome ore ojigode, ore ojodie udire. Uje Pujnéngaisṍre yangureni Dupa uté gu. Yacaranguipis uje yoquirodisṍri Dupade cho dachidé áyasa iji israélgosode ore uyoque enga chãraque yoque ome cuchade. Jecute yoco yoquirotangóri iji uté to. José á, bayé angureni Dupa u uje chatapísa cuchade aja ua gatuaque. Enga Dupa Pujnuéngaisṍri tuté u to uje a chatapísa cuchade aja ua to iji baquéningo to jne. Enga uté guẽratígo cucha ueradéjna a tṍraji gaté ome ua to jne. Enga a tṍrapóji yote quedéjnane ajedatéode ome ua to jne rĩ. Enga bape disi ejodie ore icárigui a tṍraji ore to rĩ ome ua ga ore chacucãre dape dipesérigo ore to jne.

"Judá, e bajneque yuru ejode udojo to. Enga jé tiógarapísa báringárique picotaque jne ome bajorane. Enga a ua u jne ujetiga asa bamajosórone potogórodie, enga ajnuépise ore gáyode jnese jne. Enga bajorane a ore tangaripísi ua gu bátedatéode udore jne ome ua. Yababi á, Judá, bajnua u caraté ababi uje chujé darosipétique enga quigade enga tagu enga chejna jnese, ga quigade enga mopóji darosipei ejoi te rĩ uje subudéji datigai gai. Enga moji jnumi ga cho caratédatédie ome dadode udore enga que chuseque re iji jnumi. Enga chojningame re: 'Que toc ujetiga punguráña uyu iji de.'

"Rubén á, yape urẽjai tu ua ya, bajneque yuru bajade udojo jne. Ua u uje bajaque ua aja guesi ome yabode ore jnese nanique. Uje qué babasíji yúringai jnacaripise nanique, enga bajnua turásu cucha pacaque a utiedie uje utácai chimate daca utié tuaté aja guesi ga nínapúsu re ome. A jé tiógararása jeta picotaque ua ome yabode ore jnese ome betotiguei, báringárique cuchape ore. Mu a ca bajneque cuchade udore jne gu uje bo cucha bisidéguiji yu ica enga basa yacoté yirogue iji yejode ica, enga que toc ujetiga paquĩraque ua ome badode udore ica. Enga bajnui tu guetṍrai ica, uje chejnapise cuchade iji daróbuchai ajesui.