Popular Bible Verses from Héchos 17

Share

Dupade chicha yógaja erámi udé gu ujetiga yetingaco enga yucuegoi. ¿Soca yico a? Jec ũré uje que Dupade idája iji yoque go.

Yocãrapi u Dupade uté ipesudi jnani bajaque jnese. Enga uté chisite yógaja erámi ujetiga ayorérigo déji punirone jnese. Dupade uté ipesute punirone jogadode to, enga ichajapite yógaja dajegaidode puníño ome yoque. Enga chingo yoquibatigade díño aja yoque jnese rĩ ujetiga yibacóji.

Dupade uté u uje ipesute erámi, jé aja erámi jogonórone cucha ore jnese. Enga uté gajneque gaté, jnumi ore jnese rĩ. Enga que cháji jnanione ipesutique guiguíjna go.

Dupade e chimate diri ujetiga pajirique erámi unirisórone yocadode aja quigode iji jne. Enga e chimate dajegaidi jnani to ujetiga chajire yocadode aja quigode. Ũrepise uté jne enga a ca cho parágome dajirigode udore ujetiga pésu yoquiquigode. Enga que potigayaquérique déji uje Dupade ajegaidi uté u Jesús. Chamáñaje toi mu Dupade chiquetápo uté rĩ iji itoringai ujetiga úringai Dupade utocaite obiréjna ome yoque.

Ujetiga jec ũré ujeta Dupade jogasu yoque enga ca yoco dupa iji ayoré gajnúrique uje ore ipesucho iji órodie, plátadie, cucaranenie ore. Uje jnanione cachi ore ipesucho ome dajéode.