Popular Bible Verses from 2 Reyes 6

Share

Ga jé u uje Eliséo catecã́ri Pangarádejnai, ga chósi tome dajei jochaquéode ome uté: –Pangarádejná, bebi ga achẽre yiroi uté edodie gai ga chimo yoquirotasórone ore to jne.– Ga jé u nanique uje Pangarádejnai chõre Eliséo iroi uté edominone, ga chajire dejode mu ¡chimo jóroque re! uje pañaji uraque dajogapi cucarãte uté, ga irágupúsu ome burica dipeséjnane jé aja guebéquedaté dipeséode uje pioguéjnai déji udore dosadode jnese, ga udore ore tṍraji gaté. Ga udore chaparu Eliséo gai jnese ome uté úringai pãreque.

Mu Eliséo chajnai uruode ga chojninga: –Ca atodo jne. Uje yoquirotangórone jiépisiji yocari ga ore suépise yocumajosórone sı́riagose udore ore gai.

Ga dire uñai ga proféta Eliséo iroi chobéri niriji iji direjnímei ga doi guesi mu ¡chimo jóroque re! uje sı́riagosode isoldate ore betı́gajnai déji uraque dedai dosadode uje ore chaparu ore gai, jé aja buricade, jé aja pocaningane gajnéone guebéquedatéo. Jecute Eliséo iroi chósi tome darósõri uté: –¡Yangaráni á, a jé ca toque guese pigaitı́gome yoque jne á, ga a yoquigachodi tudé, jõ! ¿Ga yoco pı́ringome yoque jne á?

Mu uje sı́riagosode e ore cugujnárasiji Eliséo nanique, mu Eliséo catecã́ri Pangarádejnai ga chojninga: –Yijócha bajei údi ujetiga apésu ga soldate dipeséode udore ca ore chimópo dajiritique rı̃.– Ga Pangarádejnai tangáripı́si Eliséo ajei jochaquéode udore ga pésu ore úringane edoparicho.

Enga Dupade iroi Eliséo chojninga: –¿Basája iji rique que a?– Enga acadi proféta uté chusẽre jogadi ga chojninga: –Basája ajei iji ti que.– Uje Eliséo chimo usẽrapı́di jogadi, ga chaquesu pite pajei ga tṍraja batigai tuté. Enga pésu ga ajineré jı̃raque doi gaté ga cho cucha pujnúone uje diguiji yodi uté gai nanique.

Uje ore chaquesu poridie udire, e mu cucha dacadi tocade ome Eliséo acadigode proféta udore uñai. Uje e chaquesúrase pojnaque iji tié edógai, mu oidé uaté ajineré jnoji daboté ga basája tié ajei. Enga uté tibite ome dáyuguhebátigai, ga chojninga: –¡Urénga, Yangaráni á! ¿Ama yo ringome jne a? Uje que yajné ajineré, mu basája tié ajei iji te.

Ga Eliséo chiroque dacadi proféta uté aja ajineré tuaté yui, ga chojninga: –Be ajineré ga asa.– Enga jé u uje proféta uté chipotingare dajmanecai aja yui ga chijnája guesi.