Popular Bible Verses from 2 Reyes 2

Share

Uje e ore chaquesu tié tuaté, enga Elı́as pésu dapregúnta ome Eliséo, uje chojninga: –¿Bapotigátique cucha iji yu ujetiga yipésu ome ua ya? Uje cáma pijnimique uyu iji barosadi.– Enga Eliséo chajnai uruode, ga chojninga: –Yijócha bajei údi ujetiga yo yajnéngu bajongoto pujopié uaté uje chisı́ome báringai ujopı́erãque ome ua. Yigaidi tu gu ujetiga yibasája bayaridi uté, uje yajnepı́di tu iji yujode proféta ore ujade.

Enga Elı́as, Eliséo, jé qué ore nóna ñane aja dajei uje ore catecã́ri ñane ome cuchade. Mu ore chuniname eti guebéquedatéi di uje buricade churuguse uté, ga pioguéjnai déji dosadode jnese. Enga guebéquedatéi uté chajuque ore iji ñane. Ga úyujna di uje chijnire jnumi aja dajesui enga jno Elı́as údi aja gaté iji dabi guebéquedaté uté ajei.

Enga Elı́as chojninga: –Uajate bajei jochaquéode udore quigode ¡jõ! Mu ujetiga apañapı́siji uyu uje pijnimique yu iji barosadi, enga a quene bajegaidi cucha uté chise ua jne. Jé basa ga ujetiga ca amo yu aja doi, enga a jé ca o bajnéngu jne.

Iji udojo quigade ga Eliséo chijna Elı́as casé iguidé dañoré uaté uje bası́ji gai que. Enga chibote tié uaté ome ga tibite ga chojninga: –¿Déji rique Pangarádejnai, Elı́as angureni Dupa uté é?– Uje quene Eliséo chibote tié ome Elı́as iguidé dañoré uaté, mu tié jı̃raque chajuque re iji gatócoro, enga jé u uje Eliséo chajna cajnóningai aja uéchai.

Enga Eliséo pañaji cucha dacadode udore jnese, enga tibite Elı́as gai uje jnome gaté yui, ga cho daji uté uje chojninga: –¡Iapá! ¡Iapá! ¡Uje bagúsi israélgosode yocujade, ga yoquirotangóri tu ua. Ga bajnui tu guebéquedatéode udore ome uyoque uje buricade orusórone soldácho ore choru aja dagaidi pocaninga yui ome dáringane pujnuéngaisóño!– Mu jı̃raque Elı́as cho ¡paque! ga Eliséo timı́ninga jóroga aja gaté mu que jé chimópo dacadisṍri tuqué rı̃. Enga jé u uje Eliséo chajnangarase daguidedie iji darobé gai iji gatócoro ¡cága! nanique ome dáringai jnusiétaque.

Enga Elı́as chejñu daguidé dañoré ga jé chipocásuja ñane. Quigade enga chinguı́ra daguidé nañoré aja tié uaté. Ga tié uaté chajuque re ga nóña ga dajeque cajnore, ga ore chajna cajnóningai aja uéchai. Ga ore chise uéchai ga tié uaté yorepója ñane iji ore quigábode rı̃.

Enga e chirõre guedé batigárique iji Pangarádejnai ojningai deréjnai uté ujetiga chorei Elı́as iji gatajnoquei ome úyujnadatéraque uje chijnire jnumi aja dajesui. Mu iji deréjnai uté uje cáma cucha dacadode udore tocade enga Elı́as, Eliséo ore déji dáringane urugu iji ñane gari, uje ore tṍraji ore idai Gilgal uté.