Popular Bible Verses from 2 Coríntios 9

Share

Chamáñaje Dupade a e chécãripise deranone cucha omío aja uaque jne. Gaidi tu gu ujetiga ca cuchárique chona uáguiji deréjnane jnese. Enga a sué uacabai jne. Enga jé basa uacasíyo uacojode ayoréo iji to. Enga a apéso pátegoningá ponáyone jnese jne ome ore.

Jecute acueyoi uacáyipiedie ome uaqueranone cucha bajaque enga ujetiga amácho uacáyipiedie enga ca eso unerotiguérique uaqueranone. Chamáñaje Dupade ijnorai tu gosi uje irasique re aja deranone cucha. Jé basa gajnarei tu ujetiga uneroque gosi gueranone ome Dupade mu jé tẽríji. Enga cho ujetiga piroque gosi aja.

Yipota ujetiga ajnusináño udore to: ujetiga gosi acatígo garósosi ga na ga jé garósi. Jé basa gosi acatígo jiei ga na ga ujuyápiso.

Yirajágo uje Dupade gueranei cucha ajñunie ujetiga pacai, enga gueranápo cucha pibosode rĩ. Enga a uté u jne ujetiga chisi ome cuchade udore ome uaque gatuaque. Gaidi u gu ujetiga ajnerañome uacojode ayoréo gatuaque to. Enga quigade ga uacátegoningáne jiépisi iji erámi. Jecute a arajáyo Dupade icaniratiguédatéode to jne ome uaque ujetiga sué uacabáyode. Ga cuchade a déji uaque jnese jne ujetiga asíyo uñane iji gaté. Enga ujetiga yimáco uaqueranone cucha omío aja judéagosode, enga jogadi a u jne ujetiga ore chacãripise Dupade gai.

Dupade guerani ome yoque suépise dequeranone gáyode jnese ga que qué yirajágo yocuru quitíguiji rĩ. Jecute yicoi enga yacãcopise Dupade gai ome derani cuchadaté uté ome yoque.