Popular Bible Verses from 2 Coríntios 1

Share

Beyoi ga yisigopise Yocangarádejnai Jesucrísto dayé gai uje Dupápisi u. Uje Yocai jé u to enga osõrataguipise ome dabode uyoque. Enga Yoquidupade u uté to rĩ enga nejé yocúdode enga cho yoquiquique rĩ ome cuchade. Dupade u uje chosõre yóguiji yocajnéone páyuguhebátiga jnese. Gaidi tu gu ujetiga yicoi enga yijnángo uté osõraquei tuté ome yocujode Dupade anguresóño to iji ore gajnetígo páyuguhebátigadaté.

Adi jé u uje yoco yoquiba Yocangarádejnai Jesucrísto adode to enga yejnárejopise yocúringane ducañerájma, mu a jé adi u Jesucrísto to jne ujetiga chatapísaja yóguiji yocúringáringo ducañerájma jmainie to, ujetiga tijode cho jnángome yoque to.

Enga cho jetiga e yoquiqui tu pitoringai yui ica. Mu Dupade etingaquéo udore ome yoque ica. Gaidi tu gu ujetiga ca yichago yocanguretigai aja yoque, mu yichago yocanguretigai aja Dupade, uje uté u gu uje chiqueta togode.

Dupade uté u uje imanique yógaja yocanguretigai ome Jesucrísto enga etoque yóguiji. Enga uté u to uje chicha dajmainie aja yoquibai ujetiga yicoi iroquéode. Enga uté e urusãraque yoque. Enga e ajopie dajopié Espíritu Sánto aja yoque ujetiga ca potigayaquérique déji yoque ome ojningárique cucha.

Jecute ducañerájma yoque mu yoquigaidi tu ujetiga Dupade chosõre uaque enga eso uacáringane piquetaque to. Ujetiga yocajnenie pujurei chise uaque to jne ga ajnusináño jne uje Dupade u uje chatapísaja yóguiji yocajnenie pujurei enga chijnime yóguiji udire jmainie. Jecute adotáyo uáguiji uacajnenie pujurei jmainie to uje Dupade a chátaja uaque to jne iji udire jmainie.