Popular Bible Verses from 1 Samuel 8

Share

Ga Pangarádejnai Dupade chojningame Samuel: "Be ga angári barasade ga jé ore doi dajequitígo iji daniri tudé. Ca ajos eti ore ichietabáidi tu ua, mu ore ichietabáidi u yu. Enga que ore chise yunétique jeta ore cho deduguéjna cuchábi iji yu.

Iji diri uté nanique uje yijnime israélgosode iji egíptogosode jmainie, jé aja deréjnane unojo to, ga jé ore isoca uje ore chetaque yu ome raque, ga adi jé u uje ore chetaque ua to iji deréjnai tudé. Chamáñaje jĩraque ore cha yadode nanique enga ore doi dupa quedéjnane adode gatuaque to nanique."

Mu chise diri uje israélgosode ore dayode jnese ore chimáta rágaja ñane nanique jetiga ore tibágui Samuel iji idai Ramá. Uje ore chise ore idai uté ga ore catecã́ri Samuel enga ore chojningame: "E choquíjna ua ga que yipótago jeta pitoringai sué babai jne enga babode ore chácariji bajogadi uje que ore cho bátegoningáne gu uje bagaidi u jeta areque yóguiji yocuniri udé údode jnese. Uje cáma atoi ga apésu israélgosode yoqueduguéjnarique jeta déji yoque, ga yocopise yoqueduguéjnai iji uté jnese iji yoquidáyode udojo údode. Enga a jé yocopise purása ponáyone ore to jne rĩ iji erámi údode, uje ore eduguéjna cuchábode cuse iji ore unirone jnese." Jé ũré uje Samuel que chise darasade ore áyipiedie unétique gotique uje que déji pajénique gu jeta israélgosode eduguéjna cuchátique cuse. Enga jé uje Samuel catecã́ri Pangarádejnai Dupade ga chingo jeta jé arégome Dupade uté ujetiga israélgosode eduguéjna cuchátique cuse to.

Mu ayorébui que ore tangári Samuel uru quigode gotique ga ore chojningame: –Que cucha gotique baru quigode udore, uje yipótago yoqueduguéjna cuchátique gu.