Popular Bible Verses from 1 Samuel 2

Share

Enga que uñeque cunguésõri ua ome báringai Dupa pirosobádejna gotique to, Pangarádejná. Jé bangaraque ua, Yocangarádejná Dupá, uje ua u gu uje Yoquirotangóri tu ua ga que uñeque déji jeta cho ua gotique. Dupa timique ua ga jé bangaraque ua ome bapesudode cucha jnese. Ga cucarané timingue gajnujna ua ome yoque, Yocangureni Dupá.

Pangarádejnai Dupade chimo uje ayoré poritade ore chase darasade ugúcha ducaranone, enga chosõre ore enga chiringare ore iji jnumi enga pésu ayoré poritade udore ore úringane ujñapetácho, ga udore ujode ayoré que ore chusécapo rĩ. Enga jé u uje dacasutedie ore cho dajorane iji ayoré poritade udore to enga ore chácariji dayaripi ueradode gáyode to ome dáringane ibijócho. Pangarádejnai Dupade u uje gajneque cucha ponai jnese iji erámi tudé, enga uté ipesute jnumi isangurui nanique ga jé u uje chicha jnumi tudé aja uté gai ¡paque!

Enga Dupade uté chuse ayoré ijnoratade guio uje ore chijnorapise Dupade ome re, jé basa ayoré sijnángone ore chicha dódedie aja ijnangununie ajéode. Que uñeque déji gu jeta jé guẽrate detotiguérique ome re jetiga pésu cuchárique.

Pangarádejnai Dupade upo rĩ uje pésu ga jmataque yocuñane, jé basa pésu ga ugúcharã́que yocuñane. Dupade jé upo rĩ uje chosi ayoréode uyoque uñane iji gaté, jé basa ga chosi yocuñane iji jnumi.

Pangarádejnai Dupade u uje guẽrate pitoringai ome yoque. Upo rĩ uje guẽrate pucuecaringuei ome yoque. Ga uté jé u uje pésu ga pijóchõre yoque iji yocódedie, mu jé upo rĩ uje chorepoi yóguiji gaté rĩ.