Popular Bible Verses from Hechos 5

Share

Pedro becabittebabi lenbi adí ca biꞌini bedheti ca tisa beleꞌe Jesús rácabi: —Ttiaca runrulana duelha udotu tisa gue Tata Do Iyyabaaha, attichula gue ca benni seꞌe yies lo yu-ni.

Ttu ttu sába guaseꞌebacabi lheꞌeliꞌa gue yotuha, lheꞌe lisi ca benni lhe. Tsa bittu rudú sicabi ruleꞌecabi lhe riguixxiꞌacabi lhe dequi Jesús anque Cristu.

Ttiaca Pedro ráttebabi: —Ananías, ¿biaca begüeelhalu utaꞌa nu xxegüiha lheꞌelu ben lelu lo Espíritu gue Tata Do Iyyabaaha, lu nna bedátsibalu iqui belhi nu utixacana lo yuha? ¿Si läba guebalu anca lo yuha atti bittu chi bettoꞌolu nua? Larcala guegualu anca belhi nu utixacana nua. ¿Tti uca belaba lelu benlu aná? Läga lo benni unní ben lelu, lo Tata Do Iyyabaaha unní ben lelu. Atti bienini Ananías unnuha nna beyyattebana udhá, nianna uttittebana. Iyába ca nu binacana gue nu ucaha nna usixxattaquinna.

Larcala neti ria le: Gualulhá ca unná. Bittubi udhaquinle cana, cumu nu rinnecan nna ganna si ancabunna gue benni seꞌe yies lo yu-ni nna güedeluxa bunna. Ttiaca ganna si ancabunna gue Tata Do Iyyabaaha nna lebiꞌi läga dhale utseꞌe lole unná. Gualuyurga cadiga len Tata Do Iyyabaaha lä yuꞌule utilha.