Popular Bible Verses from Hechos 3

Share

Larcala lebiꞌi nna gualodú xiyyanle, gualodaxxutte neda gue Tata Do Iyyabaaha qui cue ca tulha guele-na, lania nna uni Benni bananie ri-na salía tseenle.

Ttiaca Pedro nna ráttebabi na: —Bittu belhi quia te utea len luu. Nu teerba quia nna utea len luu. Jesucristu gue Nazaret rudettia, udulí nna udá.

Laniala nna bedaxxutteba Pedro ná derechu gue unbiyuuha, atti bedhulíttebabi na. La laniatteba bilí ca niꞌaniha lhe ca dhetiniha lhe. Nu xiha nna tturba udhina udulína, atti udáttebana. Laniala nna utaꞌa lenna ca biꞌiniha lheꞌeliꞌa gue yotuha, ttubana ridána lhe radhina lhe nianna rinnena rána: “¡Xxeni ra lelu, Tata Do Iyyabaaha!”

Larcala unbiyuu rilenle du-ni lhe nu anca bienle-ni lhe chi güia leni Jesús nuarca beni Benniha udána. De güia leni gue Benniha nuarcala chi beacarana. Lebiꞌi nna iyábale gua rugüiabale nu chi uca.