Popular Bible Verses from Tuhˊ ri tuilˊ 5

Share

Ce lahˊ sengˊ cai hk'uˊ naˊ. Ce lahˊ, “Kuingˊ Mi ri rap ri ti bawlˊ htawm naˊ maeeˊ tohˊ taˊraˊ naˊ maeeˊ glas htawm naˊ, kopti pun Mi ri hkamˊ toh peue ri hawcˊ. Mi leuvaee peue gawmˊeucˊ naˊ peue neum peue ceu ku ceu, leukahˊ ku ceu, ceucat ku ceu maeeˊ peue kuingˊ ku kuingˊ naˊ peue hk'aiˊ nhamˊ ri naˊ ap ce ri Peucawoˊ Eun hawcˊ.

Ce cai lawsˊ lahˊ, “Konˊyungˊ pun ri hkamˊ toh ri naˊ, kuingˊ Eun ri pun tiˊca, vahtuˊ hk'ilˊ leumuil, cuˊyi, kawlˊreng, hk'aˊ hkopyawmˊ, munhpungˊ maeeˊ hk'aˊ sukˊseunˊ naˊ.”

Mi yeuh ce meuh peue kuingˊ maeeˊ peue jhawpˊ rit yeuh mhaiˊ Eun Peucawoˊ eˊ naˊ hawcˊ. Ce kaw uˊpeung bhenˊ keuteˊ naˊ.”

Hawcˊ ka naˊ, uiˊ pun ri mhawngˊ sengˊ ka kuˊ aˊyu imˊ kuingˊ pang maoˊ, pang bhenˊ keuteˊ, hk'aˊruim bhenˊ keuteˊ naˊ maeeˊ nang mhaˊseumutˊ naˊ ku ceu. A lahˊ, “Kah hk'aˊ sukˊseunˊ, hk'aˊ hkopyawmˊ, munhpungˊ naˊ maeeˊ tiˊca naˊ kueˊ ri Cawoˊ mokˊ pang tenceoˊ naˊ Eun maeeˊ Konˊyungˊ naˊ Eun cotˊcu ri reuˊ.”

Hawcˊ ka naˊ, hk'aˊnaee muk ce nang kawt awnˊ ce ti peue eun lahˊ a ri uiˊ, “Pawlaee yam. Keueˊ reuˊ, leuvai sangsiˊ ce peue ceucat Yuˊdah kuˊ meuh aˊtaˊ keuting eun Davitˊ naˊ pe Eun hawcˊ. Eun cang glas bawlˊ htawm naˊ maeeˊ cang tohˊ taˊraˊ aˊres taˊraˊ naˊ.”