Popular Bible Verses from Tuhˊ ri tuilˊ 3

Share

Keueˊ reuˊ, cawng Uiˊ keunam leuvaˊ naˊ, Uiˊ toeˊ a. Aˊnhawˊ lawn mhawngˊ sengˊ Uiˊ naˊ tahˊ leuvaˊ naˊ koˊ, Uiˊ kaw ingˊ lec ri hk'asomˊ maeeˊ heun. Eun ku kaw hk'asomˊ maeeˊ Uiˊ tiduihˊ.

“Yawng uiˊ kuˊ yeuh mi naˊ. Mi hkuinˊ kucˊ, hkuinˊ seucet. Sumˊ kah Uiˊ mi kaw kucˊ mi naˊ saeeˊ kucˊ, kaw seucet mi naˊ saeeˊ seucet. Kopti seueulˊ mi, mi hkuinˊ kucˊ hkuinˊ seucet, Uiˊ kaw htuengˊ ri tec mi hk'aiˊ moeng ri naˊ.”

Kaw Uiˊ taˊfaetˊ sangsawnˊ ram ri peue leumeusˊ Uiˊ naˊ ce. Kop awnˊ na, tuinˊtung hpumˊ hukˊ tawsˊ hpumˊ fuin mapˊ ri reuˊ.

“Yawng Uiˊ kuˊ yeuh mi naˊ. Keueˊ reuˊ, tahˊ Uiˊ leuvaˊ naˊ nanggalˊ mi hawcˊ. Leuvaˊ awnˊ na aˊnhawˊ hkuinˊ cang sawngˊ a. Yawng Uiˊ mi saecˊ kawlˊreng kloe, daecti mi hotˊ ri yeuh kuˊ lahˊ Uiˊ naˊ maeeˊ unˊ tecla muis Uiˊ naˊ.

Aˊnhawˊ lawn pe koˊ, Uiˊ kaw tuilˊ ahkvang kaw eun mokˊ maeeˊ Uiˊ pang tenceoˊ Uiˊ naˊ seunˊ pe Uiˊ, Uiˊ pun ri mokˊ maeeˊ Aˊkuiingˊ Uiˊ Eun pang tenceoˊ Eun naˊ koˊ.

Mi lahˊ, “Meuneum uiˊ, uiˊ pun hk'ilˊ leumuil heunˊ nyawkˊ, uiˊ hkuinˊ kaw laee loˊ keunhawˊ baee.” Daecti mi unˊ yawng tuˊ ri naˊ meuh a kuˊ tukyak, hk'oˊtukyak, ngaiˊ lecˊ maeeˊ meuh tuˊ seurakˊ ri.

Kopti yeunˊhkam mi ri hotˊ leukahˊ tuilˊ Uiˊ naˊ, yam kuˊ long ri nawk naˊ punta kaw a long ri nawk peue utˊ pang bhenˊ keuteˊ naˊ ce a rot pang bhenˊ keuteˊ naˊ ku duihˊ naˊ, Uiˊ ku kaw yeuh mi lawtpon hk'aiˊ cu ka naˊ.

Unˊ lingˊ kaw Uiˊ lih ri mi. Punta kaw peue unˊ cang rimˊ ri ti cuiˊmaw hk'ilˊ mi naˊ pun, jhawpˊ kuˊ kueˊ mi naˊ meulamlam ri reuˊ.

Kuhˊ reuˊ, hk'aˊ yumˊ kawnˊ vang mi a kaw hk'awsˊ yeum naˊ tuilˊ kawlˊreng ka reuˊ. Kopti kanˊ yeuh mi naˊ unˊ nang hitˊ a ri hpumˊ Eun Peucawoˊ Uiˊ naˊ.