Popular Bible Verses from Tuhˊ ri tuilˊ 13

Share

Lawng aenˊ na, kah ri loˊ cuˊyi. Aˊnhawˊ lawn leuceng pun a koˊ, kah eun kuit ri nawk nambat ka satˊ rai naˊ reuˊ. Kopti meuh a nambat eun peue ti peue naˊ. Nambat eun naˊ a meuh 666.

Peue bhenˊ keuteˊ gawmˊeucˊ naˊ ce kaw faeeˊ satˊ rai awnˊ na. Peue awnˊ meuh ce peue unˊ kueˊ muis hk'aˊnaee htawm civit imˊ Eun Konˊyungˊ kuˊ pun ri hkamˊ toh peue ri tangˊ neum yam hpanplengˊ bhenˊ keuteˊ naˊ Eun.

Saecˊ meuh peue aetˊ peue keuting, peue meuneum peue hk'oˊtukyak maeeˊ peue unˊ meuh mhaiˊ peue meuh mhaiˊ naˊ peue, a tecˊteng kah peue rap ri ti vang mhaiˊ ri hk'aˊ tiˊ aˊtawmˊ ri naˊ, aˊkoˊ ri relˊ ri naˊ ku peue ri. Aˊnhawˊ lawn unˊ kueˊ vang mhaiˊ kuˊ meuh muis ka satˊ rai naˊ, aˊkoˊ nambat ka muis ka naˊ koˊ, ce hkuinˊ kaw cang leuvaee cang paingˊ hk'eung ri puri.

Aˊnhawˊ lawn hteuk ri kaw pun ri hk'awngˊ ri koˊ, eun kaw pun ri hkamˊ a. Aˊnhawˊ lawn hteuk ri kaw yeum ri leungawng koˊ, eun kaw pun ri yeum ri leungawng. Lawng aenˊ na, peue Eun Peucawoˊ naˊ ce kaw kah ri kueˊ hk'aˊ yeunˊhkam naˊ maeeˊ hk'aˊ kati keutawnˊ naˊ.

Hawcˊ koˊ, uiˊ pun ri nyu satˊ rai ti tuˊ puc a ri hukˊ neum mhaˊseumutˊ naˊ. A kueˊ cingˊ aˊres cingˊ maeeˊ reungˊ kulˊ reungˊ. Reungˊ ka naˊ a chuipˊ cuiˊmaw hk'ilˊ kulˊ meulˊ. Cingˊ ka naˊ a temˊ tuˊ muis leukahˊ unˊ nawpsang Peucawoˊ Eun naˊ.

A pun ahkvang kaw peuengˊ suikˊ ri peue Eun Peucawoˊ naˊ ce maeeˊ ahkvang meuh cawoˊ pe naˊ. A pun anˊnya tiˊca hk'aˊpang peue ceu naˊ peue ku ceu, ceucat naˊ ku ceucat, leukahˊ naˊ ku ceu maeeˊ kuingˊ naˊ ku kuingˊ.

Kopti meuh a hetˊ keuting pun a ri rap ri ti tiˊca kaw yeuh a tangˊ tuˊ ka satˊ rai nanggalˊ naˊ, a copˊ peue bhenˊ keuteˊ naˊ peue. Punta kaw a meuh munhpungˊ pun satˊ rai kuˊ a saecˊ pun ri mawk ri ri leungawng daecti a hkuinˊ nang yeum naˊ, satˊ rai lalˊ tuˊ ti tuˊ naˊ a kah peue naˊ peue plengˊ ruphtu rup ka satˊ rai nanggalˊ naˊ. Punta ruphtu naˊ kaw a cang leukahˊ maeeˊ kaw a cang yeuh peue unˊ yawmˊ ri faeeˊ a naˊ ce yeum, a pun tiˊca kaw tuilˊ hk'aˊ ghuihˊ bhumˊ naˊ ri ruphtu naˊ.

Tuˊ ka satˊ rai pun uiˊ ri nyu awnˊ a seunˊ leuvai awkˊ naˊ, daecti cung ka naˊ a seunˊ cung hk'isˊ naˊ, moeng ka naˊ a seunˊ moeng ka leuvai sangsiˊ naˊ. Peuyong naˊ a tuilˊ ten maeeˊ tiˊca keuting ri naˊ ri satˊ rai awnˊ na.

Satˊ rai naˊ a pun ahkvang kaw lahˊ leukahˊ mhawngˊ ri hk'oˊcuin naˊ maeeˊ leukahˊ unˊ nawpsang Peucawoˊ Eun naˊ. A pun ahkvang kaw a loˊ tiˊca ri naˊ punˊkulˊ leualˊ chiˊ.

Cingˊ ka satˊ rai naˊ ti cingˊ a kueˊ roe vang suiˊ hk'oˊ a kaw yeum, daecti a cuin hawcˊ. Peue bhenˊ keuteˊ naˊ ce gawmˊeucˊ ce hotˊ satˊ rai naˊ maeeˊ amˊ ri.

Hawcˊ koˊ, uiˊ nyu satˊ rai seubu naˊ puc a ri hukˊ neum bhenˊ keuteˊ naˊ ti tuˊ. A kueˊ reungˊ lalˊ reungˊ seunˊ reungˊ ka konˊyungˊ naˊ koˊ, daecti a leukahˊ seunˊ peuyong naˊ. A tangˊ tuˊ ka satˊ rai nanggalˊ naˊ, a loˊ tiˊca ka naˊ gawmˊeucˊ. A yeuh bhenˊ keuteˊ naˊ maeeˊ peue bhenˊ keuteˊ naˊ ce faeeˊ satˊ rai nanggalˊ kuˊ kueˊ roe vang suiˊ keuting cuin hawcˊ naˊ.