Popular Bible Verses from Hebraeˊ 5

Share

Daecti kuˊ hk'a cenˊ naˊ meuh ka pun ce nang keuting kuˊ hkvuikˊ ri gvah kuˊ chakˊ kuˊ unˊ chakˊ naˊ ri tuˊ ri naˊ meun laleung naˊ ce.

Neumneum ka naˊ koˊ, lingˊlangˊ a peunawˊ hawcˊ naˊ htukˊ peˊ ri meuh seuraˊ hawcˊ. Daecti kawnˊ kaw peˊ loˊ peue sangsawnˊ lawng kleumˊ ka leukahˊ neumneum Eun Peucawoˊ gawmˊeucˊ naˊ ri peˊ baee. Htukˊ peˊ ri kawnˊ nyui leuumˊ pui, unˊ meuh kuˊ hk'a cenˊ naˊ. Aˊnhawˊ lawn kawnˊ nyui leuumˊ pui naˊ koˊ, kawnˊ meuh eun oˊngak. Eun unˊ nang huengˊ lawng sangsawnˊ ka leukahˊ leupaws seumeuˊ naˊ.

Eun saecˊ naˊ meuh Konˊ aiˊ, Eun ku rin ri pun kaw leuceng ri ti naˊ ri hk'aˊ tukhka hk'eupˊ ri naˊ. Kopti Peucawoˊ yeuh Eun Yesuˊ Eun htonnuk hawcˊ naˊ, Yesuˊ Eun ku meuh Cawoˊ htut cotˊcu pun ce peue leuceng ri ti Eun naˊ ce gawmˊeucˊ.

Yam Yesuˊ utˊ Eun pang bhenˊ keuteˊ naˊ, Eun tan leukahˊ hk'oˊ munˊ maeeˊ leukahˊ hk'oˊhk'ang ri naˊ ri sengˊ lawsˊ ri maeeˊ leuumˊ ngaiˊ hk'uicˊ ri naˊ ri Peucawoˊ Cawoˊ cang teumˊkawm Eun pon hk'aˊ yeum naˊ Eun. Kopti Yesuˊ leuceng Eun ri ti Peucawoˊ Eun hk'aˊnaee vang hkopyawmˊ yumyamˊ ri naˊ, Peucawoˊ Eun leuceng leukahˊ Eun naˊ.