Popular Bible Verses from 1 Yoˊhan 3

Share

Konˊ leumeusˊ uiˊ naˊ peˊ, pawlaee leumeusˊ puri ri leukahˊ maeeˊ ri moeng ri naˊ palkoe, daecti leumeusˊ puri ri kuˊ yeuh maeeˊ kuˊ leupaws seumeuˊ naˊ reuˊ.

Meuh a kopti aenˊ a naˊ, eˊ saecˊ maee yawng hk'aˊ leumeusˊkeus naˊ a ciˊ meuh keunhawˊ, meuh a kopti Yesuˊ Hkrit tan Eun aˊyu ri pun eˊ naˊ. Saecˊ eˊ ri eˊ htukˊ ri tan aˊyu ri naˊ pun ecˊawngˊ ri naˊ ce yeut.

Peucawoˊ Eun ciˊ pe leumeusˊ eˊ aˊneng naˊ kuit ti mhawngˊ a reuˊ. Eun lahˊ eˊ meuh konˊhk'i Eun Peucawoˊ, eˊ ku meuh a yeut. Peue bhenˊ keuteˊ naˊ unˊ yawng ce eˊ, kopti unˊ yawng ce Eun.

Peue yeuh mapˊ naˊ ingˊ ce neum seucaˊ naˊ, kopti tangˊ neum yamla ka naˊ seucaˊ naˊ yeuh a mapˊ naˊ. Konˊ aiˊ Eun Peucawoˊ lih Eun naˊ meuh a kop kaw Eun yeuh kanˊ ka seucaˊ naˊ lu.

Peue keutˊ lih neum Peucawoˊ Eun naˊ ce a hkuinˊ laee kueˊ nang kawnˊ yeuh mapˊ naˊ saecˊ ti peue, kopti aˊyu hk'uˊ Eun Peucawoˊ naˊ kueˊ a hk'aˊnaee ce. Ce hkuinˊ kaw laee cang suip ri yeuh mapˊ naˊ, kopti keutˊ ce lih neum Peucawoˊ Eun naˊ.

Aˊnhawˊ saecˊ naˊ kueˊ hk'ilˊ leumuil eun saecˊ naˊ nyu ecˊawngˊ ri naˊ hk'oˊ ce tukyak, daecti eun lawn unˊ tukyak ri ce koˊ, hk'aˊ leumeusˊkeus Eun Peucawoˊ naˊ a ciˊ kaw cang utˊ hk'aˊnaee eun yeuh saˊnhawˊ?

Aˊnhawˊ lawn leuceng ri yeuh leukahˊ tuilˊ Eun naˊ koˊ, utˊ eun hk'aˊnaee Peucawoˊ Eun, Peucawoˊ Eun ku utˊ hk'aˊnaee heun. Meuh a kopti aenˊ a naˊ, eˊ cang yawng Peucawoˊ utˊ Eun hk'aˊnaee eˊ, eˊ yawng a yeuhkiˊ ri Citˊ seungaˊ tuilˊ Eun ri eˊ naˊ.

Meuh a kopti aenˊ a naˊ, eˊ cang yawng a aˊnhawˊ ciˊ meuh konˊhk'i Eun Peucawoˊ, aˊnhawˊ ciˊ meuh konˊhk'i ka seucaˊ naˊ. Aˊnhawˊ lawn unˊ yeuh kuˊ cawpˊ maeeˊ unˊ leumeusˊ ecˊawngˊ ri naˊ ce koˊ, unˊ meuh eun konˊhk'i Eun Peucawoˊ.

Pun peˊ ri mhawngˊ leukahˊ aenˊ na tangˊ neum yamla ri naˊ, “Kaw eˊ htukˊ ri leumeusˊ puri.”

Ecˊawngˊ naˊ peˊ, bhenˊ keuteˊ naˊ a lawn ces ri peˊ koˊ, pawlaee amˊ.