Popular Bible Verses from 1 Kawˊrinhtuˊ 13

Share

Hk'aˊ leumeusˊkeus naˊ cang yeunˊhkam lingˊ, cang tukyak. Hk'aˊ leumeusˊkeus naˊ unˊ hkoeˊmangˊ, unˊ mhawngˊ ri hk'oˊcuin, unˊ kueˊ hpumˊ lhungˊ hpumˊ keuting. Hk'aˊ leumeusˊkeus naˊ unˊ yeuh kuˊ unˊ nawpsang, unˊ kuit pun tuˊ ri meun koe, unˊ hpumˊ dotˊ, unˊ cang kueˊ hpumˊ ri peue.

Hk'aˊ leumeusˊkeus naˊ cang yeunˊhkam ku ceu, yumˊ laleung, keutuiˊ hpumˊ laleung maeeˊ yeunˊhkam ri hk'aˊ ku ceu naˊ.

Hk'aˊ leumeusˊkeus naˊ unˊ renˊ maeeˊ kuˊ kleucˊ, daecti renˊ maeeˊ kuˊ meuh neum naˊ.

Kop awnˊ na, maetˊmaenˊ kueˊ a loeˊ ceu. Aenˊ ce a meuh hk'aˊ yumˊ, hk'aˊ keutuiˊ hpumˊ maeeˊ hk'aˊ leumeusˊkeus naˊ. Daecti hk'aˊ leumeusˊkeus naˊ a keuting hk'aiˊ ce.

Saecˊ meuh hk'aˊ sangsawnˊ leukahˊ munˊ renˊkawn naˊ a kaw yutˊ ri, saecˊ meuh hk'aˊ lahˊ leukahˊ unˊ duing mhawngˊ naˊ a kaw yenˊ, saecˊ meuh cuˊyi cang yawng naˊ a kaw sutˊ, daecti hk'aˊ leumeusˊkeus naˊ a hkuinˊ kaw cang lulaic heulˊ.

Uiˊ saecˊ naˊ cang lahˊ leukahˊ ce peue naˊ maeeˊ leukahˊ ce inˊhpom kuˊ unˊ duing mhawngˊ uiˊ naˊ daecti uiˊ lawn unˊ kueˊ hk'aˊ leumeusˊkeus naˊ koˊ, gup seunˊ uiˊ sengˊ lawsˊ ka mongˊmongˊ, aˊkoˊ chawmˊchaeeˊ naˊ koˊ.

Uiˊ saecˊ naˊ kueˊ lapsawngˊ ka sangsawnˊ leukahˊ munˊ renˊkawn naˊ, aˊkoˊ uiˊ cang yawng kuˊ vangdohˊ ruiˊ ka leukahˊ moˊ ri naˊ, aˊkoˊ uiˊ kueˊ cuˊyi naˊ gawmˊeucˊ, aˊkoˊ uiˊ kueˊ hk'aˊ yumˊ cang kah gong naˊ ce satˊ ri pun naˊ daecti uiˊ lawn unˊ kueˊ hk'aˊ leumeusˊkeus naˊ koˊ, uiˊ hkuinˊ kueˊ ngos saecˊ peunaeˊ.

Uiˊ saecˊ naˊ yawmˊ ri tan hk'eung ri naˊ gawmˊeucˊ ri peue hk'oˊtukyak naˊ ce, aˊkoˊ uiˊ yawmˊ ri sum tuˊ ri naˊ heulˊ dum a hk'aˊnaee ngawl naˊ, daecti uiˊ lawn unˊ kueˊ hk'aˊ leumeusˊkeus naˊ koˊ, uiˊ hkuinˊ pun munˊ naˊ saecˊ peunaeˊ.

Yam kawnˊ buih meuh uiˊ konˊ nyom naˊ, uiˊ leukahˊ seunˊ konˊ nyom, uiˊ kuit seunˊ konˊ nyom, uiˊ aˊcangˊ seunˊ konˊ nyom. Daecti yam keuting meuh uiˊ nang hengˊ naˊ, uiˊ tecla hk'aˊ yeuh ce konˊ nyom naˊ.