Popular Bible Verses from رۆما 8

Share

ئەم دزانین كو خودێ وە دكەت هەمی تشت پێكڤە كار بكەن ژ بۆ باشیا وان یێن حەز ژ خودێ دكەن و ل دویڤ مەبەستا وی هاتینە گازیكرن.

چنكو ئەز یێ پشتڕاستم كو نە مرن، نە ژیان، نە فریشتە، نە سەروەر، نە تشتێن هەیی، نە تشتێن دێ هێن، نە هێز، نە بلنداهی، نە كویراتی و نە ژی تشتەكێ دی یێ هاتیە ئافراندن دێ شێت حەزژێكرنا خودێ ژ مە ڤەكەت، ئەوا ب رێیا خودانێ مە مەسیح عیسای دهێت.

هۆسا گیانێ پیرۆز ژی د هەوارا لاوازیا مە دهێت، چنكو ئەم نزانین كا پێدڤیە د نڤێژێ دا چ بێژین. لێ گیان ب خۆ، ب نالینێن كو نەهێنە دەربڕین، مەهدەریێ بۆ مە دكەت.

ئەڤجا ئەم دەربارەی ڤان تشتان چ بێژین؟ ئەگەر خودێ ل گەل مە بیت، كی دشێت ل دژی مە بیت؟

لەوما، ژ نوكە و پێڤە گونەهباركرن بۆ وان نینە یێن ل گەل مەسیح عیسای بووینە ئێك.

دویماهیا وی زێهنێ گرنگیێ ب لەشی ددەت، مرنە، لێ دویماهیا وی زێهنێ گرنگیێ ب گیانی ددەت، ژیان و ئاشتیە.

لێ ب رێكا وی یێ حەز ژ مە دكەت، ئەم د ڤان هەمی تشتان دا، هێشتا پتر سەركەفتنێ ب دەست خۆ ڤە دئینین.

ئەز دبینم كو ئازارێن مە ل ڤی سەردەمی ل گەل وێ مەزناهیا كو دێ بۆ مە هێتە ئاشكراكرن، ناهێنە هەڤبەركرن.

كی دێ حەزژێكرنا مەسیحی ژ مە ڤەكەت؟ ئایا دژواری، تەنگاڤی، تەپەسەری، كولب، رویساتی، مەترسی یان شیر؟

ئەوێ كو دلان دپشكنیت ژی، دزانیت كا هزرێن گیانێ پیرۆز چنە، چنكو گیان ل گۆر حەزا خودێ مەهدەریێ بۆ پیرۆزكریان دكەت.

هەمی یێن كو ب گیانێ خودێ دهێنە بڕێڤەبرن، ئەون كوڕێن خودێ.

چنكو ئەوێن ل دویڤ لەشی دژین، گرنگیێ ددەنە تشتێن لەشی و ئەوێن ل دویڤ گیانێ پیرۆز دژین، گرنگیێ ددەنە تشتێن گیانێ پیرۆز.

ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟

گیانێ پیرۆز ب خۆ ژی ل گەل گیانێ مە شاهدەییێ ددەت، كو ئەم زاڕۆكێن خودێینە. ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

ژ بەر كو ئەو زێهنێ گرنگیێ ب لەشی ددەت، دوژمناتیا خودێ دكەت، ئەو خۆ ملكەچی دەستوورێ خودێ ناكەت و نەشێت ژی خۆ ملكەچ بكەت.

ئافرندە ب گەرمی چاڤەڕێیا دیاربوونا كوڕێن خودێ دكەن.

ئەم دزانین، تا نوكە هەمی ئافرندە پێكڤە دنالن و ژانێن وەكو یێن زاڕۆكبوونێ دهێنێ.