Popular Bible Verses from رۆما 6

Share

چنكو كرێیا گونەهێ مرنە، لێ دیاریا خودێ، ژ دەولەتسەرێ خودانێ مە مەسیح عیسای، ژیانا هەروهەرە.

گونە‍‌ھ دەستهەلاتێ ل سەر هەوە ناكەت، چنكو هوین نە د بن دەستووری دانە، لێ هوین یێن د بن كەرەمێ دا.

ئەڤجا ب تافیركرنێ ئەم بووینە هەڤپشكێن مرنا وی و ل گەل وی هاتینە ڤەشارتن، داكو كا چەوا مەسیح ب مەزناهیا بابی ژ ناڤ مریان هاتیە راكرن، هۆسا ئەم ژی د ژیانا نویبووی دا بژین.

ئەندامێن لەشێ خۆ ژی وەك چەكێن خرابیێ پێشكێشی گونەهێ نەكەن. لێ خۆ وەك یێن ژ ناڤ مریان رابووین پێشكێشی خودێ بكەن، ئەندامێن لەشێ خۆ ژی وەك چەكێن راستداریێ پێشكێشی خودێ بكەن.

ئەم دزانین ئەو مرۆڤێ كەڤن، كو ئەم بووین ل دەمێ بەرێ، ل گەل وی هاتە خاچدان، دا لەشێ مە یێ گونەهكار ژ كار بكەڤیت و ئێدی بەنیاتیێ بۆ گونەهێ نەكەین.

هۆسا هوین ژی دەربارەی گونەهێ، خۆ ب مری بهژمێرن، لێ ب مەسیح عیسای ژ بۆ خودێ، ب زیندی بهژمێرن.

ئەڤجا ئەم چ بێژین؟ ئایا ئەم د ناڤ گونەهێ دا بەردەوام بین، داكو كەرەم پتر لێ بهێت؟ حاشا! ئەم ئەوێن دەربارەی گونەهێ مرین، چەوا دشێین ئێدی د ناڤ گونەهێ دا بژین؟

ما هوین نزانن كو ئەوێ هوین ژ بۆ بەنیاتیێ خۆ ب دەست وی ڤە بەرددەن و گوهداریا وی دكەن، دبنە بەنیێن وی یێ هوین گوهداریا وی دكەن؟ یان بەنیێن گونەهێ كو مرۆڤی بەرەڤ مرنێ دبەت، یان ژی بەنیێن گوهداریێ كو مرۆڤی بەرەڤ راستداریێ دبەت.

لێ سوپاس بۆ خودێ كو هەر چەندە هوین بەنیێن گونەهێ بوون، لێ هەوە ژ هەمی دلێ خۆ گوهداریا وێ فێركرنێ كر، ئەوا هەوە وەرگرتی. هوین ژ گونەهێ هاتنە ئازادكرن و بوونە بەنیێن راستداریێ.