Popular Bible Verses from رۆما 1

Share

ئەز مزگینیێ ب شەرم نابینم، ژ بەر كو ئەو هێزا خودێیە بۆ قورتالبوونێ ژ بۆ هەر كەسێ باوەریێ پێ دئینیت، ل بەراهیێ ژ بۆ یێ جوهی و پاشی ژ بۆ یێ نەجوهی.

چنكو د مزگینیێ دا راستداریا خودێ ئاشكرا دبیت. ئەڤ راستداریە ژ دەستپێكێ هەتا دویماهیێ ب باوەریێیە، هەروەكو هاتیە نڤیسین: «یێ راستدار دێ ب باوەریێ ژیت.»

چنكو سالۆخەتێن وی یێن نەهێنە دیتن، ئانكو هێزا وی یا هەروهەر و خودینیا وی، هەر ژ ئافراندنا جیهانێ د دیارن، ب رێیا تشتێن دەستكرد دهێنە تێگەهشتن، ژ بەر هندێ وان بەهانە نینە.

سەرەڕای كو وان خودێ نیاسی، وان ئەو وەك خودێ مەزن نەكر و سوپاسیا وی نەكر، لێ هزرێن وان دخرش بوون و تاریاتیێ ب سەر مێشكێ وان یێ كۆرەفام دا گرت.

وان راستیا خودێ ب درەوێ گوهۆڕی. یێ ئافراندی پەرست و خزمەتا وی كر، ل شوینا ئافرێندەری، ئەوێ هەروهەر پیرۆز. ئامین.

ژ ئەسمانی تۆڕەییا خودێ دهێتە ئاشكرا كرن، دژی هەمی خودێنەنیاسی و خرابیا وان مرۆڤێن ب خرابیێن خۆ بۆ راستیێ دبنە ئاستەنگ،

ژ بەر ڤێ چەندێ خودێ ئەو رادەستی گڕێن شەرمزاریێ كرن. خۆ ژنكێن وان ژی پەیوەندیا سرۆشتی ب یا بەروڤاژی سرۆشتی گوهۆڕی. هەروەسا زەڵامان ژی پەیوەندیا سرۆشتی یا ل گەل ژنكێ هێلا و گڕی گرتن بۆ ئێكودوو. زەڵامان ل گەل زەڵامان فهێتی كر و سزایێ د سەرداچوونا خۆ، د خۆ دا وەرگرت. كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

دەمێ وان دگۆت: «ئەم د ئاقلمەندین،» ئەو بوونە دەبەنگ و مەزناهیا خودایێ نەمر ب وێنە و پەیكەرێن وەكو مرۆڤێ مربار، باڵندە، گیانەوەرێن چوارپێ و خشۆكان گوهۆڕی.