Popular Bible Verses from Apocalipsis 7

Share

Ikenama chedemi yelösöda jojodö, ba̧jekwadönö, ba̧ja̧dakwawa jwienanö ba̧jekwadönö chedijatö. Jobadö chedinawö̧ma jelobebi jelobe jojodöbi, wainökwena ji̧nadötjö tupadanö jojodöbi, wainökwena tjiwene yöba̧ladöbi, okobe deinö jojodöma. Jobadöma Dios ö̧bemi badeibö, Obeja Itji̧danö Jo̧ ö̧jemi badeibö tjö̧jobe chedijatö. Jobadöma kamisi dewi̧ odo̧ 'dubawadö. Ja̧danö, öjiya, 'wiawa öjiya, wa̧cha öjiyadanö ichejekwi̧ tjömamunö do̧ba̧lakwawadö.

Ja̧danö, labinö jwöbeba̧lö tjösödi̧ma cha̧ja̧kwijatö: —Bidöda ökwödö dö̧jibinö pjabatadöma, inesö ba̧kwawakanö bo̧nö Duluwo̧ Diosbi, Obeja Itji̧danö Jo̧bi— jwöbeba̧lö tjösödobe chedijatö.

Ja̧danö, Obeja Itji̧danö Jo̧ma otiwanö ite'ada̧lobetjö̧ inia tjötjinö baledököwö̧. Ja̧danö, jobadönö otiwanö öbibö 'yo̧ ojwese'do jo̧bekwö, ba̧kwȩlö̧jatebö ja̧kwawa okwe'dokwö. Ja̧danö, jobadöma belöma budekwabinö tjuju̧kwinajayonö, tjo̧wi̧, babema budekwaböködö. Otiwanö ju̧kwadö, Diosma pjaatinobetjö̧— damö la'aka luwedötjö bakwo̧ma jö̧a̧lijatö ötjönöma.

Jejenö baibinobetjö̧ bidöma, ba̧kwȩlö̧jatebö, mölebi, yö̧tebi Dios ö̧bemi badeibö ja̧nö, jo̧banö ösödö ju̧kwadö. Ja̧danö, Diosma jobadökwö ja̧nö te'ada̧lo̧. Jobadö, inia tjötji̧ baledinawö̧ma, belöma a̧wi̧chi̧ tjöbö tjuju̧kwinajayonö, tjo̧wi̧, babema a̧wi̧chi̧ tjöböma jö̧ködö. Ja̧danö, belöma ojwiyo o̧tinö tjuju̧kwinajayonö, tjo̧wi̧, babema ojwiyoma o̧ti̧ tjöböködö. Ja̧danö, belöma ja̧wo̧bi tubinö dejatö, tji̧sȩdo̧ma ubö tjuju̧kwinajayonö tjo̧wi̧, babema ubökönö tjuju̧kwobe, ja̧wo̧ jweinö ö̧jenabi.

Baikwö cha̧ja̧kwijatö: —Kabataduwi, böjȩ, ojwe, towibiya sulabenö baibanö ja̧köbaduwi̧ma. Ina kwite'ada̧laduwo, Duluwo̧ Dios wei̧ ja̧badönö seyu dobö diwȩyudenanö kabatö. Ökwödöma seyu dobö diwȩyudakwedösa Dios wei̧ ja̧badö tjöbanö öwawobö, Bidöma Dios ömöayedö, jö̧ba̧lö— ángelma jwa̧lȩ'epjo tjöbeba̧lö ja̧dö ángelesdönö jwöi̧ma. Ikenama baikwö cha̧ja̧kwijatö, seyu dobö wȩyudakwawedö ba̧ja̧dakwawama: —Seyu dobö wȩyudakwawedöma ba̧jekwadö, ciento cuarenta y cuatro mil. Jobadöma, damötjö ji̧na Israelmine i̧tji̧mutjö tupadanö jojodö, a̧li̧nösamutjö du̧ju̧tajanö i̧tji̧mutjö, bakwo̧nökwenatjö i̧tji̧mu tupadanö jojodöma.