Popular Bible Verses from Apocalipsis 22

Share

Ötjödasa la'akatjöda ji̧nama. Ja̧danö, ötjödasa 'dö̧ibajenanö baibanöbi chö̧jakwo̧ma. Ja̧danö, ötjödasa 'dö̧ibajökökwema— jö̧a̧lijatö Jesúsma ötjönöma.

Ikenama Jesús yöawijatö ötjönöma: —Lekwökö ötjö yemidanö chichakwa̧ma. Chichenama otiwa jawa chiyakwo̧sa otiwanö ju̧kwadönöma. Ja̧danö, sulabe ja̧badönöma balekwa mikwa lȩbebö ja̧takwo̧sa.

Ikenama Dios O̧'wo̧ Luwo̧ma, Obeja Itji̧danö Jo̧ ilekwo baibanö emakwujukwö Jesúsnö jwötjobe cha̧ja̧kwijatö, Baikwö ichi, jö̧ba̧lö. Ja̧danö, jojodönöbi jwöobe cha̧ja̧kwijatö, Ökwödöbi bi'ye yöawi̧ a̧ja̧kwadöma, Jesúsnö jwöbaduwi, Ichi, jö̧ba̧lö. Jejenö cha̧ja̧kwijatö. Ja̧danö, Dios O̧'wo̧ Luwo̧ma yöawijatö: —Bakwo̧ ojwiyo o̧tinö jo̧nö ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoma— yöawijatö, Dios O̧'wo̧ Luwo̧ma.

Ina jö̧a̧lijatö: —Ötjö chömöledö, tjökamisi dichadöma, suli̧ jwibadödanö babibö, otiwanö tjo̧'wo̧ ösöwanö tjö̧jakwedö. Jobadöma 'yayi̧ Jerusalén comunidad apjude po̧bebö tetjachakwedö, ba̧kwȩlö̧jatebö ja̧kwawa towi wa̧ji̧tjö tjukwobö.

Ikenama Jesúsma jö̧a̧lijatö ötjönöma: —A̧ja̧kwitjö. Lekwökö chichakwa̧ma. Yötawakwö. Bi'ye baledakwa̧ kwiwȩyudina'ye weawa a̧ja̧kwadöma tjo̧'wo̧ ösöwanö tjö̧jakwedö— yöawijatö Jesúsma.

Ja̧danö, yö̧tebi jwiobe jobema, möledanö dewinö dejatobetjö̧. Ja̧danö, la̧pa̧la̧yu̧bi̧yabi jwiobe, dewinö dejatobetjö̧. Ja̧danö, ja̧wo̧bi idejatokobe, Duluwo̧ Diosda dewinö idejatobetjö̧. Jobe ju̧kwadöma la'aka luwedödanö webö tjö̧jobe, ba̧kwȩlö̧jatebö.

Jesucristo, böja kwialusöjatjö laebi̧ma, Jweinö wene, jö̧ba̧lö, yöba̧lo̧. Jo̧bama, baikwö yöawobe ökwödönöma: —Isabenö yötawa, lekwökö chichakwa̧ma— yöawobe ökwödönöma. Chömöledö, jo̧bama isabenö yöbawo̧. Ötjöma jo̧ba yöawi̧ma, Lekwökö chichakwa̧ma, jö̧ba̧lö, yöawi̧ma, jwiinö chösöda. Jo̧kwaobetjö̧, jo̧banö yöta̧la, Jau, Duluwo̧ Jesús, ichi, jö̧ba̧lö. Ja̧danö, Duluwo̧ Jesúsma ökwödönö, iteda ömöledö babibinadönö lȩlö̧jino edobö chösöda. Ja̧danö, böja kwialusöja wȩyukwa baledakwa̧ wenema, Isabenö ji̧ wene, jö̧ba̧lö, yöta̧la. Tjo̧wi̧ta, biya̧da chiwȩyuda.

Ötjöma Juansa. Ökwödönö yötawa, böja kwialusöja a̧ja̧kwadönöbi, edadönöbi. Böja wȩyudö yötawi̧ma jojodönö baledakwa̧. Ja̧danö, wetaduwakwö. Ju'wi jawa, biya̧ wenekwö pjabatö kwiwȩyudaduwoko. Biya̧da laebobö jo̧be. Bakwo̧ ju'wi jawa, biya̧ wȩyukwakwö pjabatö iwȩyuditjö̧ma, Dios lȩebakwo̧. Jo̧banö bi'ye wȩyukwadanö lȩebi̧ma baledakwo̧. Ja̧danö, jelo̧, biya̧ wȩyukwatjö ja'yubebi söbebö loitjö̧bi, jo̧banöbi Diosma lȩebakwo̧. Yelösöda, jo̧bama Dios jwiinö otiwemi comunidadnö teachö̧kakwo̧. Ja̧danö, ba̧kwȩlö̧jatebö ja̧kwawa towi wa̧ji̧tjö kwakwawama, yelösöda ukwökakwo̧. Ja̧danö, Diosma jo̧banö kaatibobetjö̧, a̧petubeda ö̧jakwo̧. Jejenö lȩebakwo̧, biya̧ wȩyukwatjö ja'yubebi a̧ja̧kwökönö, söbebö lobo̧nöma.