Popular Bible Verses from Mateo 9

Share

Jobadönö edö, iteda öba̧ja̧di̧ waisachadönö wanedö yöawinobe: —Batjonö wa̧ji̧ma isabenö nöa, emö tjotidobö, jo̧kwaijayonö wa̧ji̧ emö otidadöma ja'yubeda tjuju̧kwobe. Jo̧kwajabetjö̧, ja̧ wa̧ji̧ emawa luwo̧ Diosnö akebaduwo, emö otidadönö weo jö̧ba̧lö— yöawinobe Jesúsma.

Ja̧danö jemi tupakwö weinobe jobadönö: —Biya̧ Dios iwene laebi̧ jawa waisachajaduwi, okwanö laebi̧ kwöwaisachibaduwobö, baikwö laebi̧ma: Inesö chösödi̧ma ajikwakwawedönö kwabö juwö kwiyaduwobömaökö, inesö chösödi̧ma lȩlö̧jinö edö jojodönö pjakataduwobö, jö̧ba̧lö laebobe. Ja̧danö, ötjöma otiwadösa jö̧ba̧lö omukwatadönö jwöböma ichö̧kö̧sa. Sulabedösa jö̧ba̧lö waisadönö jwöbö icho̧sa— jö̧ba̧lö yöawinobe.

Jesús ba̧jekwadö ko̧ko̧kwadönö edenama, jobadönö o̧'wo̧ tjo̧achinobe, te'ada̧lo̧ debadö o̧bȩja̧dö wene tjöbaledi̧danö, dakwö ja̧dakwajö jö̧ba̧lö tjo̧'wo̧ tjo̧achinobetjö̧, ja̧danö tjujulu jwibadö tjö̧jinobetjö̧.

Jejenö atjebiökwe, Jesúsma wanedö atadinobe: —Kwöwaisaduwa, ö'wöchöködöma dötölö pjaatobö jwibadö. Sule ö'wöchadönöda pjabato̧, dötölöma— jö̧ba̧lö.

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.