Popular Bible Verses from Mateo 16

Share

Ikenama Jesúsma iteda öba̧ja̧di̧ waisachadönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö ichobö jo̧be.

Ja̧danö baikwö yötawakwö: Ökwöma inawa jö̧ba̧lö Pedro mikwo̧ja, ja̧danö wanedö yötawa, ötjöma biwa inawa wame chejudanöbedö chömöledönö chujunocha. Ja̧danö, isabenö yötawakwö, chejudanöbedöma isabenö 'diinö tjö̧jakwedö, ja̧danö woawama jobadönö juluwökakobe.

Ja̧danö, ökwönö mölejȩbe jo̧ la'aka luwo̧ ö̧jena yawepi̧ chiyocha, ja̧danö böjȩtjö kwunu'yaja̧ma, mölejȩbetjöbi bakwainö kwunu'yaja̧ ja̧kobe, ja̧danö böjȩtjö kwejataja̧ma, mölejȩbetjöbi bakwainö kwejataja̧ ja̧kobe— jö̧ba̧lö.

Jau chömöledö, baikwö yötawa: Bakwo̧ iteda otiwanö ö̧jobö isakwitjö̧ma, waekwena, isabenö ja̧kwawama öbadekwajökena. Jo̧kwaijayonö ötjönö ösödobetjö̧ ö'wö babibo̧ma, jo̧bama isabenö ja̧kwawa öbadekwajakwo̧.

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

Yötja̧lökwe, abebö a̧ja̧kwinobe: —¿Ökwödöja? ¿Kwedaduwemi tichobeda ötjöma?— jö̧ba̧lö. Aebökwe Simón Pedroma atadinobe: —Ökwöma Dios weakwo̧ jö̧a̧linökweja, 'yaba̧lo̧ Dios itji̧ja— jö̧ba̧lö atadinobe.

Jejenö yöa̧lökwe Jesúsma Pedronö yöa̧linobe: —Isabenö kwo̧'wo̧ ösöwanö jo̧ja ökwö Jonás itji̧ Simón, Diosda ja̧ ökwönö öba̧ja̧dinobetjö̧. Jau chömöledöso̧, jojodödama ja̧ tjöba̧ja̧dinokobe ökwönö. Diosda ja̧ öba̧ja̧dinobe ökwönöma.